७ महिन्यांपूर्वी लग्न; ‘या’ घटनेने सुखी संसाराची सुरुवातच उद्‌ध्वस्त केली... सिल्लोडच्या पळशीची घटना

By City News Desk

On 21 Jan 2026

७ महिन्यांपूर्वी लग्न; ‘या’ घटनेने सुखी संसाराची सुरुवातच उद्‌ध्वस्त केली... सिल्लोडच्या पळशीची घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : ७ महिन्यांपूर्वीच लग्न झालेले तरुण दाम्‍पत्‍य सुखी संसाराची स्वप्नं रंगवत असतान क्रूर नियतीची नजर लागली. सिल्लोड तालुक्यातील पळशी शिवारात विहिरीतून पाणी काढत असताना अचानक पाय घसरून तरुणी विहिरीत पडली. तिला वाचविण्यासाठी पतीने विहिरीत उडी घेतली. मात्र तो तिला वाचवू शकला नाही. ही घटना मंगळवारी (२० जानेवारी) सकाळी ७ च्या सुमारास घडली. करुणा सुभाष निकम (वय १८, रा. पळशी) असे मृत्यू झालेल्या विवाहितेचे नाव आहे.

करुणा पाणी आणण्यासाठी पती सुभाषसोबत विहिरीवर गेली होती. सुभाष पाण्याचा हंडा घेऊन पुढे जात असताना अचानक पाय घसरून करुणा विहिरीत पडली. जोरात आवाज होताच सुभाषने धावत सरळ विहिरीत उडी घेतली. मात्र, पोहता येत नसल्याने तोही बुडू लागला. ही बाब पाहून नाना निकम यांनी सुभाष निकम यांना बाहेर काढले. मात्र, करुणा पाण्यात खोलवर गेल्याने तिला वाचवता आले नाही. विष्णू बडक व राहुल निकम यांनी गळाच्या साहाय्याने करुणाचा मृतदेह बाहेर काढला. उत्तरीय तपासणीनंतर सायंकाळी ५ ला निकम वस्ती येथे अंत्यसंस्कार करण्यात आले. करुणाचे माहेर घोसला (ता. सोयगाव) येथील असून, तिचा विवाह सात महिन्यांपूर्वीच पळशी येथील सुभाषसोबत झाला होता. तिच्या पश्चात पती, सासू, दीर, आई-वडील असा परिवार आहे.