शाळेची सहल घेऊन जाणाऱ्या एसटी बसचा अजिंठा घाटात अपघात, भरधाव ट्रक घासून गेली...

By City News Desk

On 21 Jan 2026

शाळेची सहल घेऊन जाणाऱ्या एसटी बसचा अजिंठा घाटात अपघात, भरधाव ट्रक घासून गेली...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : अजिंठा घाटात शाळेची सहल घेऊन जाणाऱ्या एसटी बसला भरधाव ट्रक घासून गेली. सुदैवाने बसच्या नुकसानीवर निभावले. विद्यार्थ्यांना दुखापत झाली नाही. ही घटना शुक्रवारी (१६ जानेवारी) रात्री ९ च्या सुमारास घडली.

एसटी बसचालक संजय गोविंदा कोळी (वय ४०, रा. पारोळा, जि. जळगाव) यांनी या प्रकरणात तक्रार दिली आहे. शुक्रवारी (१६ जानेवारी) रात्री सातच्या सुमारास एसटी बस (एमएच १४ एमएच ३७९०) सोयगाव आगारातून शेंदुर्णी (ता. जामनेर) येथील शाळेची सहल घेऊन कोकण दर्शन करण्यासाठी निघाली. रात्री ९ च्या सुमारास फर्दापूर ते अजिंठा घाटात लेणी टी पॉइंट खालून दुसऱ्या वळणावर समोर वाहन असल्याने कोळी यांनी बस थांबवली.

त्याचवेळी अजिंठाकडून फर्दापूरकडे जाणाऱ्या ट्रकने (एमएच १८, एए ५७७७) भरधाव येऊन त्यांच्या बसच्या उजव्या बाजूला घासून गेला. त्यामुळे एसटी बसची उजव्या साईडची काच व आरशाचे फुटून नुकसान झाले आहे. सुदैवाने बसमधील कोणीही मुले जखमी झाले नाहीत. ट्रकचालक मोहम्मद अकील जिंद्रान (रा. खंडवा, मध्यप्रदेश) याने घाटातून रोडची परिस्थिती लक्षात न घेता ट्रक जोरात चालवून एसटी बसचे नुकसान केल्याने त्याच्याविरुद्ध फर्दापूर पोलिसांनी गुन्हा दाखल केला. अधिक तपास पोलीस अंमलदार नीलेश लोखंडे करत आहेत.