कुणीही, कितीही मोठा नगरसेवक येऊ द्या... जी. श्रीकांत यांनी नवनिर्वाचित नगरसेवकांना का धमकावले..., ‘प्रशासक राज’ अजून डोक्यातून जाईना...

By City News Desk

On 21 Jan 2026

कुणीही, कितीही मोठा नगरसेवक येऊ द्या... जी. श्रीकांत यांनी नवनिर्वाचित नगरसेवकांना का धमकावले..., ‘प्रशासक राज’ अजून डोक्यातून जाईना...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : ‘प्रशासकराज’मुळे शहर पाणी योजनेच्या दिरंगाई वाढत जाऊन तारीख पे तारीख मिळत गेल्या. पाणी पुरवठ्यातील विस्कळीतपणामुळे नागरिक कायम त्रासले. याच प्रश्नावरून नवनिर्वाचित नगरसेवक आपल्याला घेरतील, या भीतीने आयुक्त जी. श्रीकांत यांनी नवनिर्वाचित नगरसेवकांनी पाण्यासाठी दडपशाही करू नये. प्रशासन खपवून घेणार नाही, असा इशारा दिला आहे. त्यामुळे पाणी योजवरून आगामी काळात आयुक्त आणि नगरसेवक यांच्यात चांगलाच सामना पहायला मिळणार असल्याचे दिसून येते.

जी. श्रीकांत म्हणाले, की नवीन पाणीपुरवठा योजनेतील जलवाहिन्यांची चाचणी घेण्यात येत आहे. नवीन पाणी पुरवठा योजनेतून पहिल्या टप्प्यात दोनशे एमएलडी पाणी मिळत नाही, तोपर्यंत नो-नेटवर्क भागाला पाणी पुरवठा होणार नाही. कुणीही, कितीही मोठा नगरसेवक येऊ द्या, कुणाचीही दडपशाही चालणार नाही, असे आयुक्त म्हणाले आहेत. महापालिका मुख्यालयात सर्वसाधारण सभेसाठी उभारलेल्या अद्ययावत सभागृहातील माईक-स्पिकर, स्क्रीनची टेस्टींग आयुक्त जी. श्रीकांत यांच्या उपस्थितीत करण्यात आली. प्रत्येक टेबलवरील माईक तपासण्यात आले. सभेचे थेट प्रक्षेपण करण्याच्या दृष्टीनेही चाचणी घेण्यात आली. याच वेळी जी. श्रीकांत यांनी विविध विकासकामांचाही अधिकाऱ्यांकडून आढावा घेतला. शहराची पाणी परिस्थिती त्यांनी जाणून घेतली. शहराला मिळणारे पाणी, उपलब्ध जलकुंभ, पाणी पुरवठा करताना येणाऱ्या अडचणी, नवीन पाणी पुरवठा योजनेची माहिती नवनिर्वाचित नगरसेवकांना देण्याची तयारी प्रशासनाने केली आहे.