बिडकीनजवळील जुगार अड्ड्यावर छापा, ‘या’ ७ जणांना पकडले!‌

By City News Desk

On 21 Jan 2026

बिडकीनजवळील जुगार अड्ड्यावर छापा, ‘या’ ७ जणांना पकडले!‌

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : बिडकीन पोलीस ठाण्याच्या हद्दीतील म्हारोळा शिवारात पोलिसांनी जुगार अड्ड्यावर छापा मारून ७ जुगाऱ्यांना पकडले. त्यांच्याकडून सव्वा लाख रुपयांचा मुद्देमाल जप्त केला. ही कारवाई रविवारी (१८ जानेवारी) सायंकाळी पाचच्या सुमारास करण्यात आली.

पोलीस अंमलदार दिनेश चव्हाण यांनी याप्रकरणात तक्रार दिली आहे. रविवारी दुपारी पोलिसांना गुप्त बातमीदारामार्फत माहिती मिळाली, की म्हारोळा शिवारात काही जण तिर्रट नावाचा जुगार खेळत आहेत. सहायक पोलीस निरीक्षक नीलेश शेळके यांच्या आदेशाने पोलीस उपनिरीक्षक झिंझर्डे, पोलीस अंमलदार खंडागळे, शेकडे, मगर, चव्हाण, धनवे हे म्हारोळा येथे गेले. सायंकाळी पाचला छापा मारला असता काही जण पळून गेले, तर ७ जणांना जागीच पकडण्यात यश आले.

पकडलेल्या जुगाऱ्यांत सुभाष सोनाजी बर्फे (वय ५१), एकनाथ गणपतराव जाधव (वय ३९), सागर शेषेराव बर्फे (वय २८), भीमराज यमाजी बर्फे (वय ५५), रमेश दगडू शेजूळ (वय ५२), भाऊसाहेब त्रिंबक मेटे (वय ५२), गणेश मदन कुमावत (वय ३४, सर्व रा. म्हारोळा ता. पैठण) यांचा समावेश आहे. त्यांच्याकडून मोबाइल, मोटारसायकल असा एकूण १ लाख २९ हजार ६२० रुपयांचा मुद्देमाल जप्त करण्यात आला आहे. अधिक तपास सहायक पोलीस निरीक्षक नीलेश शेळके करत आहेत.