भाऊ, नातीच्या मृत्‍यूनंतर वृद्धाचा हार्टॲटॅकने मृत्‍यू, १३ च दिवसांत गायकवाड कुटुंबात ३ मृत्‍यू झाल्याने फुलंब्रीचे आळंद शॉक्‍ड!

On

फुलंब्री (सीएससीएन वृत्तसेवा) : आळंद (ता. फुलंब्री) येथे घरात लागोपाठ ३ मृत्‍यू झाल्याने गायकवाड कुटुंबावर दुःखाचा डोंगर कोसळला आहे. १३ दिवसांपूर्वी मोठ्या भावाचे वृद्धापकाळाने निधन झाले. त्‍यांच्या अंत्यविधीला आलेल्या नवविवाहित नातीला आठवणी असह्य होऊन हार्टॲटॅक येऊन मृत्‍यू झाला. या घटनेच्या तेराव्या दिवशीच हार्टॲटॅकने दुसऱ्याही भावाचा मृत्‍यू झाला आहे.

आळंद येथील नरसिंग हनुवंता गायकवाड यांचे २४ जुलैला वृद्धापकाळाने निधन झाले. अंत्यविधीसाठी त्‍यांची नवविवाहित नात पूनम उर्फ छकुली विक्रम तुपे (वय १९) आली होती. तिला आजोबाच्या निधनाचा धक्का बसला. आजोबांच्या आठवणींनी ती सारखा आक्रोश करत होती. धाय मोकलून रडत असताना अचानक तिच्या छातीत कळा निघून प्रकृती बिघडली. छत्रपती संभाजीनगरला खासगी रुग्णालयात उपचारादरम्यान २५ जुलैला तिचा मृत्‍यू झाला. दोघांच्या मृत्यूमुळे गायकवाड आणि तुपे कुटुंबावर दुःखाचा डोंगर कोसळला.

या धक्‍क्‍यातून ते सावरत नाही तोच नियतीने पुन्हा डाव साधला. दोघांच्या तेराव्याच्या दिवशीच नरसिंग गायकवाड यांचे बंधू लहानूबा गायकवाड यांना बुधवारी (६ ऑगस्ट) हृदयविकाराचा झटका आला. आळंद येथील खासगी रुग्णालयात प्राथमिक उपचार करून त्यांना छत्रपती संभाजीनगरला उपचारासाठी आणत असतानाच रस्त्यातच सायंकाळी साडेपाचच्या सुमारास त्यांची प्राणज्योत मावळली. लहानूबा यांच्यावर गुरुवारी (७ ऑगस्ट) सकाळी अंत्यसंस्कार करण्यात आले. त्यांच्या पश्चात पत्नी, दोन मुले, सुना, जावई व नातवंडे असा परिवार आहे.

आणखी महत्त्वाच्या बातम्या

सातारा पोलिसांची मोठी कामगिरी : ६ लाखांचा गांजा साठा जप्त, तस्कराच्या मुसक्या आवळल्या, साथीदार फरारी

Latest News

सातारा पोलिसांची मोठी कामगिरी : ६ लाखांचा गांजा साठा जप्त, तस्कराच्या मुसक्या आवळल्या, साथीदार फरारी सातारा पोलिसांची मोठी कामगिरी : ६ लाखांचा गांजा साठा जप्त, तस्कराच्या मुसक्या आवळल्या, साथीदार फरारी
छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सातारा गाव आणि पैठण तालुक्‍यातील गेवराई बुद्रूकमध्ये सातारा पोलिसांनी मोठी कारवाई करत...
तरुणीने दोन दिवसांपूर्वी मोबाइल घेतला, कामावरून घरी येताना दुचाकीस्वाराने हिसकावून ठोकली धूम!, एएस क्लबजवळील घटना
महत्त्वाची बातमी : छ. संभाजीनगरात ‘म्हाडा’ सोडत अर्ज भरण्यास ८ सप्टेंबरपर्यंत मुदतवाढ
छ. संभाजीनगर जिल्ह्यातील शाळांत आता रोज एक तास खेळासाठी; जिल्हाधिकारी स्वामी यांची घोषणा
शेजाऱ्याच्या छतावर बसवलेल्या मोबाईल टॉवरमुळे तुमचे आरोग्य धोक्यात! रेडिएशन किती?, कुठे कराल तक्रार?
Copyright (c) Chhatrapati Sambhaji Nagar City News All Rights Reserved.
Powered By Vedanta Software