हर्सूल सावंगीतील पूनम हॉटेलमध्ये जुगार अड्डा, पोलिसांनी छापा मारून पकडले २४ ‘प्रतिष्ठित’ जुगारी, त्यांची नावे जाणून घ्या...

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : जळगाव रोडवरील हर्सूल सावंगी येथे पूनम हॉटेलमध्ये जुगार अड्डा सुरू होता. अतिरिक्त पोलीस अधीक्षक अन्नपूर्णा सिंह यांच्या पथकाने छापा मारून शुक्रवारी (२९ ऑगस्ट) रात्री ८ ला २४ जुगाऱ्यांना पकडले. त्यांच्या ताब्यातून १२ लाख ६३ हजार रुपयांचा मुद्देमाल जप्त केला आहे. सर्व जुगाऱ्यांविरुद्ध फुलंब्री पोलीस ठाण्यात गुन्हा दाखल करण्यात आला आहे.

माजी नगरसेवकाच्या पूनम हॉटेलमध्ये पत्त्याचा क्लब सुरू असल्याची माहिती अतिरिक्त पोलीस अधीक्षक अन्नपूर्णा सिंह यांना मिळाली होती. त्‍यांच्या आदेशावरून विशेष पथकाने हॉटेलच्या मागे सुरू असलेल्या जुगार अड्ड्यावर छापा मारला असता जुगाऱ्यांची पळापळ सुरू झाली. जुगाऱ्यांकडून १ लाख ६८ हजार रुपये रोख, एक कार, सहा दुचाकी, मोबाइल, जुगाराचे साहित्य जप्त करण्यात आले. पकडलेल्या जुगाऱ्यांत गुलशेर खान (सावंगी हर्सूल), सय्यद नावीद अली (रोशन गेट), संदीप प्रकाश हिवराळे (जुबिली पार्क), महिंद्रा चंद्रशेखर जैन (शहागंज), सलीम पठाण गुलाम अहेमद (मिटमिटा), विशाल कृष्णा जाधव (मयूर पार्क), विजय भगवान सुपेकर, चंदन शांतीलाल पडगे, योगेश रामकिसन पिठोरे, अभिमन्यू सांडूलाल पहाडिया (चेलीपुरा), सदानंद चापलोत, दिगंबर रामराव गाडेकर, राजू प्रकाश बटावडे (जाधववाडी), शेख गुलाम शेख हमीद (खोकडपुरा), आकाश मगरे, शिवाजी रामभाऊ चालगे (हडको कॉर्नर), शेख भिकन शेख रहीम (रहेमानिया कॉलनी), सोमनाथ साहेबराव श्रीरंग (मिल कॉर्नर), संदीप काशीनाथ बोराडे (चिकलठाणा), रियाज मुसा शेख (बीड बायपास), समीर रहीम शेख (आझाद चौक), राजेश किशन विशिष्ट (बेगमपुरा), नवीन श्यामलाल बशरकर (आलमगीर कॉलनी), शेख राजमोहंमद जमीर शेख (चितेगाव) यांचा समावेश आहे.