पहाटे झोपेतून उठताच कुटुंबाला बसला धक्का, घरातला कर्ता पुरुषच दिसेना... शोधाशोध सुरू, खुलताबाद तालुक्‍यातील घटना

खुलताबाद (मेट्रोपोलिस पोस्ट वृत्तपत्राच्या सौजन्याने) : खुलताबाद तालुक्‍यातील बाजार सावंगी येथील ३६ वर्षीय विजय रामराव नलावडे हे राहत्‍या घरातून रविवारी (१४ सप्‍टेंबर) कुठेतरी निघून गेले आहेत. त्‍यामुळे त्‍यांचे कुटुंबीय चिंतित झाले असून, खुलताबाद पोलीस ठाण्यात हरवल्याची तक्रार सोमवारी (१५ सप्‍टेंबर) दिली आहे. दोन दिवस झाले तरी त्‍यांचा शोध लागलेला नाही.

रविवारी पहाटे कुटुंबीय झोपेतून उठले तेव्हा विजय घरात नव्हते. ते शेतकरी आहेत. सकाळी ११ पर्यंतही घरी न आल्याने कुटुंबीयांनी गावात, शेतात शोध घेतला. मात्र ते मिळून आले नाही. संध्याकाळपर्यंतही ते घरी न आल्याने चिंतित कुटुंबाने खुलताबाद पोलीस ठाण्यात सोमवारी हरवल्याची तक्रार केली. ते कुठे आढळल्यास नारायण नलावडे 9890559783, अमोल नलावडे 9665777118, बालू नलावडे 9823038985 या क्रमांकांवर संपर्क करावा, असे आवाहन कुटुंबीयांनी केले आहे.

जिल्ह्यात २ दिवसांत १३ जण बेपत्ता
१४ ते १६ सप्‍टेंबरपर्यंत छत्रपती संभाजीनगर जिल्ह्यातून एकूण १३ जण बेपत्ता झाले आहेत. यात शहरातील ७ आणि ग्रामीण भागातील ६ जणांचा समावेश आहे. नागेश्वरवाडीतून ३५ वर्षीय युवक, मोची मोहल्ल्यातून ३८ वर्षीय युवक, छोटा मुरलीधरनगरातून ३२ वर्षीय युवक, मित्रनगरातून ४२ वर्षीय पुरुष, पडेगावातून ५० वर्षीय महिला, पुंडलिकनगरातून ४५ वर्षीय पुरुष, जवाहरनगर परिसरातून ३२ वर्षीय युवक बेपत्ता झालेला आहे. ग्रामीण भागातील फुलंब्री तालुक्‍यातील पाथ्री येथून १९ वर्षीय तरुणी, पिशोरजवळील वडोद भिल्ल येथील ३० वर्षीय महिला, करमाड येथून १८ वर्षीय तरुणी, पीरबावडा येथील २१ वर्षीय तरुणी आणि शिऊरजवळील वाघला येथून ८५ वर्षीय वृद्ध बेपत्ता झालेला आहे.