सोयगाव शहराला पिवळसर, शेवाळयुक्‍त पाणीपुरवठा; नागरिकांचे आरोग्य धोक्यात

By City News Desk

On 03 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सोयगाव (सीएससीएन वृत्तसेवा) : वेताळवाडी धरणातून सोयगाव शहराला मंगळवारी (२ जुलै) पिवळसर रंगाचा दूषित व शेवाळयुक्त पाणीपुरवठा झाल्याने शहरवासीयांत भीतीचे वातावरण पसरले आहे. दरम्यान नगरपंचायतीच्या दुर्लक्षामुळे हा प्रकार सुरू असून, याकडे नगरपंचायत विभागाचे दुर्लक्ष होत असल्याने शहरातील नागरिकांचे आरोग्य धोक्यात आले आहे. शहराला वेताळवाडी धरणातून साठवण टाकीद्वारे पाणी पुरवठा होतो. मात्र मंगळवारी थेट धरणातून नळाद्वारे […]

सोयगाव (सीएससीएन वृत्तसेवा) : वेताळवाडी धरणातून सोयगाव शहराला मंगळवारी (२ जुलै) पिवळसर रंगाचा दूषित व शेवाळयुक्त पाणीपुरवठा झाल्याने शहरवासीयांत भीतीचे वातावरण पसरले आहे. दरम्यान नगरपंचायतीच्या दुर्लक्षामुळे हा प्रकार सुरू असून, याकडे नगरपंचायत विभागाचे दुर्लक्ष होत असल्याने शहरातील नागरिकांचे आरोग्य धोक्यात आले आहे.

शहराला वेताळवाडी धरणातून साठवण टाकीद्वारे पाणी पुरवठा होतो. मात्र मंगळवारी थेट धरणातून नळाद्वारे पाणीपुरवठा करण्यात आला आहे. त्यामुळे शहरातील घराघरात शेवाळयुक्त व पिवळसर रंगाचा दूषित पाणी पुरवठा झाला आहे. त्यामुळे हे पाणी पिण्यासाठी योग्य नसल्याने नागरिकांनी वापरासाठी या पाण्याचा उपयोग केला आहे. त्यामुळे शहर वासीयांना पिण्याच्या पाण्यासाठी भटकंती करावी लागत आहे.

शहरात काही भागांत दहा दिवसांच्या आड तर काही भागांना पाच दिवसांआड पिण्याच्या पाणीपुरवठा होतो. धरणात मुबलक पाण्याचा साठा असूनही नगर पंचायतीच्या मनमानी कारभारामुळे शहराचा पाणीपुरवठा विस्कळीत झाला आहे. शहरात झालेल्या पिवळसर आणि शेवाळ युक्त पाणी पुरवठ्यामुळे शहरातील नागरिकांचे आरोग्य धोक्यात आले आहे. पुरवठा झालेल्या पाण्याचे नमुने तालुका आरोग्य विभागाने तपासणीसाठी घ्यावे व शहरात पिण्यायोग्य पाणीपुरवठा करावा, अशी मागणी शहर वासीयांनी केली आहे.