करमाडजवळ कार नियंत्रण सुटून झाडाला धडकली; तरुणाचा जागीच मृत्‍यू

By City News Desk

On 15 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : चालकाचे नियंत्रण सुटून कार झाडावर आदळली. यात २५ वर्षीय तरुणाचा जागीच मृत्‍यू झाला. ही दुर्घटना छत्रपती संभाजीनगर – जालना रोडवरील करमाड येथील दर्ग्याजवळील वळणावर रविवारी (१४ जुलै) मध्यरात्रीनंतर दीडच्या सुमारास घडला. अभिजीत मधुकर वाघमारे (वय २५, रा. गोरेगाव तारो, ता. भोकरदन, जि. जालना) असे मृत्‍यू झालेल्या तरुणाचे नाव आहे. करमाड […]

छत्रपती संभाजीनगर (सीएससीएन वृत्तसेवा) : चालकाचे नियंत्रण सुटून कार झाडावर आदळली. यात २५ वर्षीय तरुणाचा जागीच मृत्‍यू झाला. ही दुर्घटना छत्रपती संभाजीनगर – जालना रोडवरील करमाड येथील दर्ग्याजवळील वळणावर रविवारी (१४ जुलै) मध्यरात्रीनंतर दीडच्या सुमारास घडला.

अभिजीत मधुकर वाघमारे (वय २५, रा. गोरेगाव तारो, ता. भोकरदन, जि. जालना) असे मृत्‍यू झालेल्या तरुणाचे नाव आहे. करमाड गावाजवळ दर्ग्यासमोरील वळण रस्त्यावर पाणी साचल्याने अभिजीतला रस्त्याचा अंदाज आला नसावा. कारमध्ये तोच होता. कार इतकी जोरात झाडाला धडकली, की त्‍याचा जागीच मृत्‍यू झाला. भरपावसात क्रेनच्या मदतीने दीड तास प्रयत्‍न करून अभिजीतला कारबाहेर काढण्यात आले. रात्रीच्या गस्तीवर असलेल्या करमाड पोलिसांनी मदतीचे प्रयत्‍न केले, पण ते अपयशी ठरले.