वाळूज एमआयडीसी पोलिसांची फौज उतरली रस्‍त्‍यावर!; पथसंचलनातून मतदारांना दिला सुरक्षिततेचा विश्वास!!

By City News Desk

On 05 Feb 2026

वाळूज एमआयडीसी पोलिसांची फौज उतरली रस्‍त्‍यावर!; पथसंचलनातून मतदारांना दिला सुरक्षिततेचा विश्वास!!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : जिल्हा परिषद व पंचायत समिती निवडणुकीच्या प्रचारादरम्यान झालेले आरोप-प्रत्‍यारोप आणि कुलूषित झालेले वातावरण पाहता मतदान निर्विघ्नपणे पार पडावे, यासाठी वाळूज एमआयडीसी पोलिसांनी आज, ५ फेब्रुवारीला दुपारी १ ते सव्वा तीन दरम्यान आपल्या हद्दीत पथसंचलन केले.

पोलीस ठाण्यातून सुरू झालेले पथसंचलन रांजणगाव शेणपुंजी फाटा, छत्रपती शिवाजी महाराज चौक, कमळापूर फाटा, रांजणगाव ग्रामपंचायत कार्यालय, एकतानगर, दत्तनगर फाटा, एनआरबी चौक, इंद्रप्रस्थ कॉलनी, जयभवानी चौक, आम्रपाली बौद्ध विहार, अण्णाभाऊ साठे चौक, वडगाव ते छत्रपती शिवाजी महाराज चौक वडगाव कोल्हाटी येथे पथसंचलनाची सांगता करण्यात आली. सहायक पोलीस आयुक्त डॉ. भगीरथी पवार, वरिष्ठ पोलीस निरीक्षक रामेश्वर गाडे यांच्या मार्गदर्शनाखाली हे पथसंचलन झाले. त्यात ७ सहायक पोलीस निरीक्षक व उपनिरीक्षक, ४५ पोलीस अंमलदार, स्ट्रायकिंग फोर्स, होमगार्डचा सहभाग होता. ढाल, लाठी, हेल्मेट या सुरक्षा साहित्यांसह मोबाइल पथके आणि चार अतिरिक्त वाहनांचा सहभाग होता. नागरिकांनी निर्भय वातावरणात मतदान करावे, असा संदेश पोलिसांनी पथसंचलनातून दिला.