छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : महिलेची अंतर्वस्त्रे कायम चोरी जायची. तिला कळतं नव्हतं, की हे कोण आणि कशासाठी करतेय... एकेदिवशी तिने लक्षच ठेवलं आणि शेजारच्या अल्पवयीन मुलाला रंगेहात पकडले. लजास्पद कृत्य करतान पकडले गेल्यावरही या मुलाने चक्क महिलेला अश्लील इशारे केले. शिवीगाळ करत जीवे मारण्याची धमकीही दिली. ही घटना वाळूज एमआयडीसीतील सिडको वाळूज महानगर १ मध्ये मंगळवारी (७ ऑक्टोबर) घडली. मुलाविरुद्ध महिलेच्या तक्रारीवरून वाळूज एमआयडीसी पोलिसांनी गुन्हा दाखल केला आहे.
अडीच महिन्यांपासून महिलेसोबत हा प्रकार घडत होता. तिची वाळत घातलेली अंतर्वस्त्रे शेजारी राहणारा अल्पवयीन मुलगा घेऊन जात होता. मंगळवारी दुपारी गच्चीवर बसून महिला लक्ष ठेवून असताना तिचा आधीच संशय असलेला शेजारील मुलगा शाळेचा शर्ट व अंडरवेअर घालून गच्चीवर आला. त्याच्या हातात महिलेची अंतर्वस्त्रे ओल्या अवस्थेत होते. महिलेने त्याला रंगेहात पकडून जाब विचारला.
तू आमच्या गच्चीवर काय करतो, माझे अंतर्वस्त्र तुझ्याजवळ कसे? असे विचारल्यावर तो आधी बिथरला. नंतर त्याने आमच्या पार्किंगमध्ये उडून आल्याने परत करण्यास आल्याचे सांगितले. महिलेने त्याला सुनावण्यास सुरुवात केल्याने शेजारी धावून आले. त्यांनी दोघांची समजूत काढली. मात्र त्यानंतरही निर्लज्लपणे या मुलाने महिलेला अश्लील इशारे केले. शिवीगाळ करून जीवे मारण्याची धमकी दिली. अधिक तपास वाळूज एमआयडीसी पोलीस करत आहेत.
हा एक आजार आहे...अंतर्वस्त्रे चोरण्याची प्रवृत्ती हा एक मानसिक विकार असून, यामागे विशिष्ट मानसिक कारणे असतात. याला सामान्यतः क्लेप्टोमॅनिया (Kleptomania) किंवा कधी कधी फेटिशिस्टिक विकार (Fetishistic Disorder) शी संबंधित मानले जाते. काही लोकांना अंतर्वस्त्रांसारख्या वस्तूंशी लैंगिक आकर्षण वाटते आणि त्यातून आनंद मिळतो. अशा वेळी ते त्या वस्तू मिळवण्यासाठी चोरी करतात. ताण, एकटेपणा, किंवा उदासीनता कमी करण्यासाठीही व्यक्ती असे वर्तन करू शकते. अशा व्यक्तीने मानसोपचार तज्ञांकडे जाणे गरजेचे आहे.
.jpg)
.jpg)
