शेजारणीने पतीला फॉलो केलं, महिलेची सटकली, राडा केला..., आंबेडकरनगरमध्ये काय घडलं...

By City News Desk

On 10 Oct 2025

शेजारणीने पतीला फॉलो केलं, महिलेची सटकली, राडा केला..., आंबेडकरनगरमध्ये काय घडलं...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : माझ्या पत्नीला इन्स्टाग्रामवर फॉलो का केले, अशी विचारणा करत एका महिलेने दोघींना सोबत आणून ३१ वर्षीय महिलेला बदडले. तिच्या डोक्‍यात दगड घालून जखमी केले. ही घटना बुधवारी रात्री ८ च्या सुमारास आंबेडकरनगरात घडली.

३१ वर्षीय निकिता (नाव बदलले आहे, रा. आंबेडकरनगर, छत्रपती संभाजीनगर) यांनी या प्रकरणात तक्रार दिली आहे. त्या पती व दोन मुलांसह राहतात. त्यांचे पती मजुरी करतात. बुधवारी रात्री ८ च्या सुमारास त्या घरी असताना शेजारीण किरण प्रदीप साळवे व तिच्यासोबत तिची नणंद रोहिणी मुगदळ व लक्ष्मी सचिन साळवे या घरासमोर आल्या. किरण म्हणाली, की तू माझा नवरा प्रदीपला इन्टाग्रामवर फॉलो का केले? त्यावर निकिता म्हणाली, की मी तुझ्या नवऱ्याला फॉलो केले नाही, तुझ्या नवऱ्यानेच मला फॉलो केले आहे.

त्यावर किरण, रोहिणी व लक्ष्मी यांनी वाद घालून निकिता यांना शिवीगाळ केली आणि खाली पाडून हाताचापटाने मारहाण केली. नंतर रोहिणीने खाली पडलेला दगड उचलून निकिताच्या डोक्यात मागच्या बाजूला मारून जखमी केले. त्यानंतर तिघी निघून गेल्या. त्यानंतर निकिता भावासोबत सिडको पोलीस ठाण्यात तक्रार देण्यासाठी आल्या. पोलिसांनी मेडिकल मेमो देऊन घाटी रुग्णालयात उपचारासाठी पाठवले. अधिक तपास पोलीस अंमलदार विद्या राठोड करत आहेत.