Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : ‘थर्टीफर्स्ट’ची मस्ती अंगात भिनल्याने २५ वर्षीय तरुणाने चक्क गच्चीवर तलवार घेऊन नाचायला सुरुवात केली. ही बाब पोलिसांना कळताच त्यांनी तिथे जाऊन त्याला पकडले. त्याची मानगूट पकडून लॉकअपमध्ये डांबले. ही कारवाई छावणीतील लक्ष्मी कॉलनीत बुधवारी (३१ डिसेंबर) रात्री साडेदहाच्या सुमारास करण्यात आली.
पोलीस अंमलदार महाशंख दांडगे यांनी या प्रकरणात तक्रार दिली आहे. ते गुन्हे शोध पथकात कार्यरत आहेत. बुधवारी रात्री ते पोलीस उपनिरीक्षक काकासाहेब नागवे, पोलीस अंमलदार पायघन, देशमुख यांच्यासह गस्तीवर होते. लक्ष्मी कॉलनीत आले असता बातमीदारामार्फत माहिती मिळाली की, एक जण हंसराज चंडालीया यांच्या गच्चीवर तलवार घेऊन नाचत आहे. पोलिसांनी लगेचच तिथे धाव घेतली आणि तलवार घेऊन नाचणाऱ्याला ताब्यात घेतले. त्याचे नाव शुभम संजय कोदली (वय २५, रा. भीमनगर भावसिंगपुरा) असे समोर आले. त्याच्याकडील तलवारही जप्त केली. त्याच्याविरुद्ध छावणी पोलीस ठाण्यात गुन्हा दाखल करण्यात आला आहे. अधिक तपास पोलीस अंमलदार शकील शेख करत आहेत.
.jpg)
.jpg)
