मिसारवाडीत खळबळ!; मंडप व्यावसायिकासह ३ रिक्षाचालक हैराण...

By City News Desk

On 15 Dec 2025

मिसारवाडीत खळबळ!; मंडप व्यावसायिकासह ३ रिक्षाचालक हैराण...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : मिसारवाडीत चोरट्यांनी शुकवारी (१२ डिसेंबर) रात्री धुमाकूळ घातला. मंडप व्यावसायिकाच्या लोडिंग रिक्षासह अन्य तिघांच्या रिक्षाच्या बॅटऱ्या आणि टुल गायब केले. ही घटना शनिवारी (१३ डिसेंबर) सकाळी समोर आल्यानंतर खळबळ उडाली. सिडको पोलिसांनी चोरट्याविरुद्ध गुन्हा दाखल केला आहे.

आकाश श्यामराव जाधव (वय ३०, रा. मिसारवाडी) यांनी या प्रकरणात तक्रार दिली आहे. त्यांचा मंडप डेकोरेशनचा व्यवसाय आहे. व्यवसायासाठी सामानाची ने- आण करण्यासाठी ते लोडिंग रिक्षा (MH25 AK1091) वापरतात. शुक्रवारी (१२ डिसेंबर) रात्री १० च्या सुमारास त्यांनी लोडिंग रिक्षा राहत्या घरासमोर गल्ली नं. ८, मिसारवाडी येथे उभी केली होती. शनिवारी सकाळी साडेनऊला त्यांना रिक्षाची काच फुटलेली दिसली. गाडीतील बॅटरीसुध्दा गायब होती. जाधव यांनी परिसरात शोध घेऊन विचारपूस केली असता त्यांना कळले की, मिसारवाडीतील गल्ली नं. १ मधील रहिवासी पवन सुरडकर यांच्या रिक्षाचे टुल, संतोष शंकर मोटे यांच्या रिक्षाची बॅटरी आणि निजाम पठाण (रा. गल्ली नं. १ मिसारवाडी) यांच्यासुध्दा रिक्षाची बॅटरी चोरीला गेली. अखेर चौघांनी मिळून पोलिसांत धाव घेऊन एकूण ११ हजार रुपयांच्या मुद्देमालाच्या चोरीची तक्रार दिली. अधिक तपास पोलीस अंमलदार मधुकर गोरे करत आहेत.