Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसी परिसरातील एम. एस. गुरुमाऊली इंजिनिअरिंग कंपनीला (प्लॉट नं. ई-११५) आज, २० जानेवारीला दुपारी साडेबाराच्या सुमारास भीषण आग लागली. यात १ कोटींहून अधिक रुपयांचे नुकसान झाल्याचा अंदाज व्यक्त करण्यात येत आहे.
पॅकिंग मटेरियलच्या स्टोअर रूमला तसेच कंप्रेसरला आग लागली. त्यानंतर आगीने पूर्ण कंपनीत कवेत घेतली. माहिती मिळताच वाळूज अग्निशमन दल तत्काळ घटनास्थळी दाखल झाले. फायर बंबाच्या सहाय्याने आग विझवण्याचे काम सुरू केले. अथक प्रयत्नांनंतर दुपारी १:३८ वाजता आग आटोक्यात आणण्यात यश आले. सुदैवाने घटनेत कोणतीही जीवितहानी झाली नाही. अनिल एस. देशमुख (उप अग्निशमन अधिकारी), एल. जी. ब्रह्मांकर (फायर लीडर), योगेश काळे (ऑपरेटर) यांच्यासह आर. जे. जात, सी. एस. पाटील, पी. एस. खाडे, एस. ए. कांदे, एस. बी. सोनेवणे, पी. के. राठोड, टी. बी. तांडले, व्ही. एस. दाभाडे, एन. एस. पारखे, पी. डी. घुगे (अग्निशमन कर्मचारी) यांनी महत्त्वाची भूमिका बजावली. आगीचे नेमके कारण अद्याप स्पष्ट झालेले नाही.
