Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : १५ वर्षीय मुलाने आईकडे नवीन मोबाइलसाठी हट्ट धरला. मात्र पैसे नसल्याने आईने नकार दिला. त्यामुळे रागात मुलाने घर सोडले. त्याच्या अपहरणाची तक्रार त्याच्या आईने हर्सूल पोलीस ठाण्यात शुक्रवारी (१२ डिसेंबर) केली आहे. ही घटना बुधवारी (१० डिसेंबर) दुपारी हर्सूलच्या मोरया पार्क भागात घडली.
धुणीभांडी करणाऱ्या महिलेला दोन मुले असून, बुधवारी सकाळी साडेदहाला त्यांच्या १५ वर्षीय मुलाने मला नवीन मोबाइल पाहिजे, असा हट्ट धरला. महिलेने पैसे नाहीत, असे सांगत नकार दिला. त्यानंतर दुपारी २ ला महिला कामावर निघून गेली. संध्याकाळी सातला त्या घरी आल्या असता मुलगा घरी दिसून आला नाही. त्यांनी व त्यांच्या मोठ्या मुलाने त्याचा परिसरात, नातेवाइकांकडे शोध घेतला. मात्र तो मिळून आला नाही. अखेर त्याच्या अपहरणाची तक्रार पोलिसांत करण्यात आली. पोलिसांनी अपहरणाचा गुन्हा दाखल करून मुलाचा शोध सुरू केला आहे. अधिक तपास पोलीस उपनिरीक्षक गणेश केदार करत आहेत.
.jpg)
.jpg)
