Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तसेवा) : भरधाव बोलेरो पिकअपने स्कुटीला दिलेल्या धडकेत स्कुटीस्वार डॉक्टरचा जागीच मृत्यू झाला. ही दुर्दैवी घटना सिल्लोड शहरातील डोंगरगाव फाट्यावर आज, १७ मार्चला दुपारी २ च्या सुमारास घडली. डॉ. विश्वास शेषराव पालोदकर (वय ४८, रा. पालोद, ता. सिल्लोड) असे मृत्यू झालेल्याचे नाव आहे.
डॉ. पालोदकर आपल्या स्कुटीवरून (क्र. एमएच २० एफई ३२८४) काही कामानिमित्त सिल्लोडला जात होते. डोंगरगाव फाट्याजवळ सिल्लोडकडून डोंगरगावकडे जाणाऱ्या बोलेरो पिकअपने (क्र. एमएच ४८, बीएम २९५६) त्यांना जोरात धडक दिली. धडक बसताच पिकअपने स्कुटीला सुमारे १०० फूट फरपटत नेले. यात डॉ. पालोदकर यांचा जागीच मृत्यू झाला. पोलीस निरीक्षक शेषराव उदार यांनी सहकाऱ्यांसह तातडीने घटनास्थळी धाव घेऊन मृतदेह सिल्लोडच्या उपजिल्हा रुग्णालयात आणला.
उत्तरीय तपासणीनंतर मृतदेह नातेवाइकांच्या ताब्यात देण्यात आला. डॉ. पालोदकर यांच्यावर रात्री १० वाजता पालोद येथे शोकाकूल वातावरणात अंत्यसंस्कार करण्यात आले. त्यांच्या पश्चात पत्नी, एक मुलगा आणि एक मुलगी असा परिवार आहे. अपघातानंतर चालक पिकअप सोडून पळून गेला होता. तो सायंकाळी सहाला स्वतःहून सिल्लोड शहर पोलीस ठाण्यात हजर झाला. त्याच्याविरुद्ध गुन्हा दाखल करण्याची प्रक्रिया सुरू होती.
.jpg)
.jpg)
1.jpg)
.jpg)
