छत्रपती संभाजीनगर (सीएससीएन वृत्तसेवा) : २५ वर्षीय विवाहितेने पती व सासरच्यांविरुद्ध पोलिसांत तक्रार करताना धक्कादायक खुलासा केला आहे. फ्लॅट घेण्यासाठी माहेरावरून १५ लाख रुपये आणण्याची मागणी करून सासरची मंडळी छळत होती, हे सांगताना तिने नणंदेच्या विचित्र कृत्याचीही माहिती दिली. २२ वर्षीय नणंद विचित्र स्वभावाची असून ती कधीही माझ्या पतीला येता जाता मिठी मारायची. आम्ही पती-पत्नी एकांतात बेडवर असताना दोघांच्या मध्ये येऊन झोपायची. दोघे रात्र-रात्र गप्पा मारायचे, असे तक्रारीत म्हटले आहे.
सध्या विवाहिता चिकलठाणा परिसरातील सावित्रीनगरात माहेरी राहते. तिचे सासर नाशिक जिल्ह्यातील मालेगाव आहे. तक्रारीनुसार, तिचे लग्न १५ जून २०२३ रोजी झाले. लग्नानंतर आठ-दहा दिवस सासरच्यांनी चांगली वागणूक दिली. त्यानंतर पती, सासू, सासरे व नणंदेने फ्लॅट घेण्यासाठी १५ लाख रुपये माहेरावरून आणण्याची मागणी करून त्रास देण्यास सुरुवात केली. दिवसभर घरातील कामे मोलकरणीसारखे करण्यास भाग पाडत असत.
२२ वर्षीय नणंद विचित्र स्वभावाची असून ती पतीला कधीही येता जाता मिठी मारत असे. पती-पत्नी दोघेही बेडवर असताना दोघांच्या मध्ये येऊन झोपायची. पती व नणंद रात्र रात्र गप्पा मारत बसायचे. पतीसोबत संसार करण्याची इच्छा असल्याने याकडे दुर्लक्ष केल्याचे विवाहितेने म्हटले आहे. पोलिसांनी पती, सासू, सासरे, नणंद अशा चौघांविरुद्ध गुन्हा दाखल केला आहे. अधिक तपास पोलीस अंमलदार बापूराव बावस्कर करत आहेत.
.jpg)
.jpg)
.jpg)
.jpg)
.jpg)
