Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : १९ वर्षांचा मुलगा जेव्हा अट्टल चोर असल्याचे पोलिसांच्या समोर आले तेव्हा त्यांनाही धक्काच बसला. नीट मिसरूडही न फुटलेल्या या मुलाने एक दोन नव्हे तर तब्बल ८ दुचाकी चोरल्याचे समोर आले. महिनाभरात त्याने सिडको, बेगमपुरा, गंगापूरमधून दुचाकी चोरून कलाग्राम परिसरातील झुडपे वाढलेल्या प्लॉटवर लपवल्या होत्या. आठही दुचाकी पोलिसांनी जप्त केल्या आहेत, […]
छत्रपती संभाजीनगर (सीएससीएन वृत्तसेवा) : १९ वर्षांचा मुलगा जेव्हा अट्टल चोर असल्याचे पोलिसांच्या समोर आले तेव्हा त्यांनाही धक्काच बसला. नीट मिसरूडही न फुटलेल्या या मुलाने एक दोन नव्हे तर तब्बल ८ दुचाकी चोरल्याचे समोर आले. महिनाभरात त्याने सिडको, बेगमपुरा, गंगापूरमधून दुचाकी चोरून कलाग्राम परिसरातील झुडपे वाढलेल्या प्लॉटवर लपवल्या होत्या. आठही दुचाकी पोलिसांनी जप्त केल्या आहेत, असे सिडको एमआयडीसी पोलीस ठाण्याचे निरीक्षक गजानन कल्याणकर यांनी पत्रकारांना सांगितले.
रेहान ऊर्फ जादू खान अमजद खान (रा. नारेगाव) असे या अट्टल चोरट्याचे नाव आहे. पाच महिन्यांपूर्वीच त्याने वयाची १८ वर्षे पूर्ण केली अन् आता त्याची तुरुंगात रवानगी झाली. वैजापूरमध्ये दोन महिन्यांपूर्वी पडलेल्या दरोड्यातही त्याचा सहभाग असल्याचा संशय पोलिसांना आहे. रेहानला वेगवेगळ्या दुचाकींची हौस आहे. यातूनच तो गुन्हेगारीकडे वळला. प्रकाश रामभाऊ दानवे (वय ४४, रा. नारेगाव) यांची दुचाकी १४ सप्टेंबरला गरवारे परिसरातील महाविद्यालयासमोरून चोरीला गेली होती. सिडको एमआयडीसी पोलीस या घटनेचा तपास करत असताना चिकलठाणा औद्योगिक वसाहतीत ही चोरीची दुचाकी विकण्यासाठी रेहान येत असल्याचे पोलीस उपनिरीक्षक भारत पाचोळे यांना कळले. त्यांनी तातडीने पोलीस अंमलदार संजय नंद, संतोष सोनवणे, हैदर शेख, प्रकाश सोनवणे, संतोष गायकवाड, परशुराम सोनुने, अरविंद पुरी, वर्षा पवार यांच्यासह तीन मुख्य रस्त्यांवर सापळा रचला. रेहान चोरीच्या दुचाकीसह पकडला गेला.
.jpg)
