मोठी कारवाई : मुंबईहून ड्रग्‍ज आणून छ. संभाजीनगरात कॉलेज विद्यार्थ्यांना विकायचे, ३ हजार रुपये प्रति ग्रॅम असायचा दर, त्रिकूटाला सिनेस्टाइल अटक

By City News Desk

On 29 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : मुंबईवरून ड्रग्‍ज आणून कॉलेज तरुणांना पुरवणाऱ्या तिघांच्या मुसक्या आवळण्यात पोलिसांना यश आले. ही कारवाई पोलीस उपायुक्त नितीन बगाटे यांच्या विशेष पथकाने मंगळवारी (२७ ऑगस्ट) रात्री खडकेश्वर येथील मराठवाडा सांस्‍कृतिक मंडळाच्या मैदानावर केली. विक्रेता दानिश मोबीन बागवान (वय २३, रा. पैठणगेट), त्याचे साथीदार नदीम सुलतान कुरेशी (रा. सिल्लेखाना) व बादल दीपक […]

छत्रपती संभाजीनगर (सीएससीएन वृत्तसेवा) : मुंबईवरून ड्रग्‍ज आणून कॉलेज तरुणांना पुरवणाऱ्या तिघांच्या मुसक्या आवळण्यात पोलिसांना यश आले. ही कारवाई पोलीस उपायुक्त नितीन बगाटे यांच्या विशेष पथकाने मंगळवारी (२७ ऑगस्ट) रात्री खडकेश्वर येथील मराठवाडा सांस्‍कृतिक मंडळाच्या मैदानावर केली. विक्रेता दानिश मोबीन बागवान (वय २३, रा. पैठणगेट), त्याचे साथीदार नदीम सुलतान कुरेशी (रा. सिल्लेखाना) व बादल दीपक आहुजी (रा. मुंबई) अशी अटक केलेल्यांची नावे आहेत. संशयित तिघे दर १०- १५ दिवसांनी ऑर्डरप्रमाणे मुंबईवरून बादलच्या मदतीने ड्रग्ज आणत होते. विद्यार्थी व उच्चभ्रू वसाहतीत त्यांचे ड्रग्‍ज विक्रीचे जाळे होते. ड्रग्‍स ३ हजार रुपये प्रति ग्रॅम दराने विकायचे.

विशेष पथकाने बनावट ग्राहकाच्या माध्यमातून दानिशशी संपर्क केला. त्याने दोन तास फिरवल्यानंतर मराठवाडा सांस्‍कृतिक मंडळाच्या मैदानावर बनावट ग्राहकाला बोलावले. सहायक पोलीस आयुक्त संपत शिंदे, निरीक्षक निर्मला परदेशी यांच्यासह पथक मैदानाच्या आसपास साध्या वेशात होते. रात्री १०:२५ वाजता दानिश आला, पण त्याला संशय आल्याने तो पळू लागला. पोलिसांनी पाठलाग करून त्याला पकडले. त्याच्याकडून ११.५१ ग्रॅम मेफेड्रोन जप्त केले.

नंतर नदीमलाही अटक केली. रात्रीच्या रेल्वेने बादल मुंबईला जाण्याच्या तयारीत होता. पोलिसांनी त्याला रेल्वे स्थानकावरून अटक केली. ही कारवाई पोलीस निरीक्षक जयंत राजुरकर, सहायक पोलीस निरीक्षक मनोज शिंदे, मनीषा हिवराळे, उपनिरीक्षक अर्जुन कदम, अंमलदार विशाल पाटील, राजेंद्र साळुंके, मुनीर पठाण, प्रवीण टेकले यांनी केली. बादलची सासरवाडीदेखील शहरात असून, सासरवाडीला येण्याच्या निमित्ताने ड्रग्‍ज घेऊन रेल्वेने शहरात यायचा.