भरधाव कार पार्किंगमध्ये शिरली; ९ वाहने उडवली, ४ जखमी, निराला बाजार चौकातील घटना

By City News Desk

On 28 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा ) : चालकाचे नियंत्रण सुटून भरधाव कार पार्किंगमधील वाहनांवर चढली. यात ८ दुचाकींसह एका कारचे मोठे नुकसान झाले असून, ४ ते ५ जण जखमी झाल्याचे वृत्त समोर येत आहे. चालकाचा ब्रेकऐवजी एक्सेलेटरवर पाय पडल्याने हा अपघात घडल्याचे प्रत्यक्षदर्शीनी सांगितले. ही घटना आज, २८ सप्टेंबरला दुपारी दोनच्या सुमारास निराला बाजार येथील पर्ल […]

छत्रपती संभाजीनगर (सीएससीएन वृत्तसेवा ) : चालकाचे नियंत्रण सुटून भरधाव कार पार्किंगमधील वाहनांवर चढली. यात ८ दुचाकींसह एका कारचे मोठे नुकसान झाले असून, ४ ते ५ जण जखमी झाल्याचे वृत्त समोर येत आहे. चालकाचा ब्रेकऐवजी एक्सेलेटरवर पाय पडल्याने हा अपघात घडल्याचे प्रत्यक्षदर्शीनी सांगितले. ही घटना आज, २८ सप्टेंबरला दुपारी दोनच्या सुमारास निराला बाजार येथील पर्ल हॉटेलसमोर घडली.

भरधाव कार एचडीएफसी बँकेसमोरून निराला बाजार चौकाकडे जात होती. मागून येणाऱ्या वाहनांचा अंदाज घेत असताना चुकून चालकाने ब्रेकऐवजी एक्सेलेटर दाबले आणि त्याचे कारवरील नियंत्रण सुटले. पार्किंगमध्ये कार घुसून आधी स्कुटीला उडवले. स्‍कुटीस्वार दूर उडून पडला. नंतर ७ दुचाकी आणि एका कारला धडकली. सुदैवाने पार्किंगमध्ये थांबलेला एक जण बचावला, पण या विचित्र अपघातात ४ ते ५ जण जखमी झाले. कारचालक महिला असल्याचे सांगण्यात येत असून, अपघातानंतर ती पसार झाली. जखमींना उपचारासाठी रुग्णालयात दाखल केले आहे. वृत्त लिहायला घेतले तोपर्यंत या प्रकरणात कुणाचीही तक्रार न आल्याने क्रांती चौक पोलिसांनी गुन्हा दाखल केलेला नव्हता.