संशयावरून पोलिसांनी मोटारसायकल पकडली, निघाला साराच घोळ!; मछली खडक येथील घटना

By City News Desk

On 09 Aug 2025

संशयावरून पोलिसांनी मोटारसायकल पकडली, निघाला साराच घोळ!; मछली खडक येथील घटना

छत्रपती संभाजीनगर (सीएससीएन वृत्तसेवा) : मछली खडक येथे पोलिसांनी विनाक्रमांकाची मोटारसायकल पकडली असता मोहम्मद ईरफान मोहम्मद रफीक अहमद (वय २३, रा. सिल्क मिल्क कॉलनी) याच्याकडे कागदपत्रे नव्हती. तो नीट उत्तरेही देत नव्हता. त्‍यामुळे सिटी चौक पोलिसांनी शुक्रवारी (८ ऑगस्ट) त्‍याच्याविरुद्ध गुन्हा दाखल केला आहे.

पोलीस अंमलदार पुरुषोत्तम जाधव यांनी या प्रकरणात तक्रार दिली आहे. शुक्रवारी रात्री पावणेअकराला मछली खडक येथे गस्त घालत असताना पांढरी केटीएम मोटारसायकल सुसाट जात होती. तिला नंबर नव्हता. त्‍यामुळे जाधव यांनी अडवून चालकाला नाव, गाव विचारले. त्याने मोहम्मद ईरफान मोहम्मद रफीक अहमद (वय २३, रा. सिल्क मिल्क कॉलनी) असे सांगितले. मोटारसायकलीवर नंबर प्लेट का नाही, याबाबत विचारपूस केली असता त्याने उडवाउडवीची उत्तरे दिली. मोटारसायकलीच्या कागदपत्रांची मागणी केली असता आता माझ्याकडे कागदपत्रे व आरसी बुक नाही, असे सांगून कागदपत्रे दाखवण्यास टाळाटाळ केली. त्‍यामुळे जाधव यांनी सिटी चौक पोलीस ठाण्यात मोहम्मद ईरफानविरुद्ध तक्रार दिली. त्‍यावरून पोलिसांनी गुन्हा दाखल केला आहे. अधिक तपास पोलीस अंमलदार सतीश आहेरकर करत आहेत.

आणखी महत्त्वाच्या बातम्या

लिफ्ट दिली, चाऊस कॉलनीत नेले, चाकूने भोसकले, पेरू विक्रेता गंभीर जखमी

By City News Desk