Tech News : फोन चार्जिंग करताना वापरत असाल तर सावधान!

तुम्ही अनेकदा ऐकले असेल की फोन चार्जिंग करताना वापरू नये. चार्जिंगच्या वेळी फोन वापरल्याने तो केवळ मंदावत नाही तर बॅटरीवरही परिणाम होतो. चला जाणून घेऊया चार्जिंग करताना फोन का वापरू नये, जर तुम्ही तो वापरत असाल तर कोणत्या गोष्टी लक्षात ठेवल्या पाहिजेत...

चार्जिंग सुरू असताना फोन वापरल्याने डिव्हाइस गरम होऊ शकते. उष्णता बॅटरीसाठी हानिकारक असू शकते. कारण जास्त वेळ उच्च तापमानात राहिल्याने लिथियम आयन बॅटरीचे आयुष्य कमी होते. चार्जिंग दरम्यान गेमिंग विशेषतः टाळावे. मेसेजिंग, कॉलिंग किंवा हलके ब्राउझिंगचा चार्जिंग दरम्यान बॅटरीवर कोणताही मोठा परिणाम होत नाही. परंतु गेमिंग किंवा व्हिडिओ एडिटिंग सारख्या जड अॅप्स बॅटरी कमकुवत करतात. तथापि, आजकाल काही कंपन्यांनी फोनमध्ये अशा बॅटरी देण्यास सुरुवात केली आहे, ज्यामुळे ती गरम होऊ देत नाही. तरीही तुम्ही काळजी घेतली पाहिजे.

वेग कमी होतो...
चार्जिंग करताना फोन वापरल्याने चार्जिंगचा वेग कमी होऊ शकतो. कारण फोनचा प्रोसेसर आणि स्क्रीनही विद्युत प्रवाह ओढते. ज्यामुळे बॅटरी चार्ज होण्यास जास्त वेळ लागतो. सोप्या शब्दांत सांगायचे तर, विजेपासून मिळणारी वीज चार्जिंगमध्ये कमी अन्‌ प्रोसेसर व स्क्रीनमध्ये जास्त जाते, त्यामुळे चार्जिंगचा वेग कमी होतो.

या गोष्टी लक्षात ठेवा...
-चार्जिंग करताना गेमिंग किंवा जड ॲप्स वापरू नका. जेणेकरून बॅटरी कमकुवत होणार नाही.
-कंपनीने दिलेल्या किंवा विश्वासार्ह चार्जरने फोन चार्ज करा.
-गरम ठिकाणी किंवा उशीवर फोन ठेवून तो चार्ज करू नका. तो हवेशीर ठिकाणी ठेवा. जेणेकरून तो गरम होणार नाही.
-तुमच्या फोनची बॅटरी २०% ते ८०% दरम्यान ठेवण्याचा प्रयत्न करा, त्यामुळे बॅटरीचे आयुष्य वाढते.