सुसाट कारने स्कुटीस्वार शिक्षिकेला उडवले, सेंट्रल नाका चौकातील घटना

By City News Desk

On 07 Sep 2025

सुसाट कारने स्कुटीस्वार शिक्षिकेला उडवले, सेंट्रल नाका चौकातील घटना

छत्रपती संभाजीनगर (मेट्रोपोलिस पोस्ट वृत्तसेवा) : सुसाट कारने स्कुटीस्वार शिक्षिकेला धडक दिली. यात शिक्षिका जखमी झाली असून, त्‍यांच्यावर खासगी रुग्णालयात उपचार सुरू आहेत. ही घटना सेंट्रल नाका चौकात घडली. शुक्रवारी (५ सप्‍टेंबर) जिन्सी पोलिसांनी कारचालकाविरुद्ध गुन्हा दाखल केला आहे.

शिक्षिका यास्मीन बेगम शेख नवाज (वय ३६, रा. रोजाबाग लकी आइस्क्रीम सेंटरमागे जळगाव रोड छत्रपती संभाजीनगर) यांनी या प्रकरणात तक्रार दिली आहे. त्यांच्यावर सध्या आकाशवाणी चौकातील एशियन हॉस्पिटलमध्ये उपचार सुरू आहेत. त्या पती सय्यद इम्रान रजवी मुस्ता अजरुद्दीन यांच्यासह राहतात. मोहम्मदीया हायस्कूल गारखेडा येथे शिक्षिका आहेत. शाळेचे काम आटोपून इलेक्ट्रीक ओला स्कुटीवर बसून गारखेड्याकडून रोजाबागकडे जात होत्या.

सेंट्रलनाका चौकात रोशनगेटकडून येणाऱ्या कारने (MH 20 EJ 8298) त्यांना धडक दिली. त्यामुळे त्या गाडीसह पडल्या व जखमी झाल्या. चौकातील लोकांनी व कार चालकाने जवळच असलेल्या अमान हॉस्पिटलमध्ये त्यांना दाखल केले. डॉक्टरांनी उजव्या पायाचा एक्सरे काढला असता गुडघ्याखाली फ्रॅक्चर झाल्याचे त्यांनी सांगितले. अमान हॉस्पिटलमध्ये आयसीयूची सुविधा नसल्याने त्यांना पुढील उपचार कामी एशियन हॉस्पिटलमध्ये दाखल केले. अधिक तपास पोलीस अंमलदार गजानन मांटे करत आहेत.