Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तपत्राच्या सौजन्याने ) : घरात अचानक उलटी झाल्याने प्रकृती बिघडून ३३ वर्षीय तरुणाचा उपचारादरम्यान मृत्यू झाला. ही धक्कादायक घटना घाटनांद्रा (ता. सिल्लोड) येथे शुक्रवारी (१९ सप्टेंबर) सायंकाळी घडली. सिल्लोड ग्रामीण पोलिसांनी घटनेची नोंद घेतली आहे. रवी रघुनाथ मोरे असे मृत्यू झालेल्याचे नाव आहे.
रवी शुक्रवारी दुपारी घरात असताना अचानक उलटी झाली. कुटुंबीयांनी त्याला सिल्लोडमधील खासगी रुग्णालयात दाखल केले. मात्र, प्रकृती बिघडत गेल्याने तत्काळ छत्रपती संभाजीनगर येथील घाटी रुग्णालयात दाखल केले होते. उपचार सुरू असतानाच शुक्रवारी सायंकाळी साडेसातला त्याचा मृत्यू झाला. मृत्यू नेमका कशामुळे झाला, याचा तपास केला जात आहे.
सिल्लोडमध्ये घराच्या छतावरून वृद्धेचा पडून मृत्यू सिल्लोड तालुक्यातील रेलगावमध्ये घराच्या छतावरून पडून अलकाबाई बाबुसिंग बसंते (वय ८१) या १५ सप्टेंबरला गंभीर जखमी झाल्या होत्या. त्यांना कुटुंबीयांनी आधी सिल्लोड येथील उपजिल्हा रुग्णालयात आणि नंतर छत्रपती संभाजीनगर येथील घाटी रुग्णालयात दाखल केले होते. उपचार सुरू असताना त्यांचा शुक्रवारी (१९ सप्टेंबर) मृत्यू झाला. या घटनेमुळे रेलगावमध्ये शोककळा पसरल्या आहेत.
.jpg)
.jpg)
.jpg)
