Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : जेवण करून शतपावली करत सासूसोबत निघालेल्या सुनेचे ९० हजार रुपयांचे सोन्याचे गंठण दुचाकीस्वार चोरट्यांनी हिसकावून पळ काढला. ही घटना मंगळवारी (१० मार्च) रात्री दहाच्या सुमारास विश्वभारती कॉलनीत घडली.
पल्लवी कृष्णा टेहरे (वय २५, रा. शिवशंकर कॉलनी) यांनी या प्रकरणात तक्रार दिली आहे. त्या पती कृष्णा व कुटुंबासह राहतात. त्यांचे पती सोन्याचे कारागीर आहेत. मंगळवारी (१० मार्च) रात्री साडेनऊच्या सुमारास जेवण करून शतपावली करण्यासाठी पल्लवी आणि त्यांच्या सासू शोभा लक्ष्मण टेहरे (वय ५५) राहत्या घरातून ओंकारेश्वर मंदिराकडे पायी जात होत्या.
रात्री १० च्या सुमारास त्या जोधपूर स्वीटसमोर, विश्वभारती कॉलनीतून रोपळेकर चौकाच्या दिशेने जात असताना त्यांच्या समोरून मोटरसायकल दोघेजण आले. मागे बसलेल्याने अचानक पल्लवी यांच्या गळ्यातील गंठण जबरदस्तीने हिसकावले. नंतर सुसाट चेतक घोडा चौकाच्या दिशेने पळून गेले. पल्लवी यांनी आरडाओरड केल्याने त्याच रस्त्याने जाणाऱ्या एका मोटारस्वाराने त्यांचा पाठलाग केला. मात्र ते जोरात निघून गेले. त्यांनी नेलेले गंठण १७ ग्रॅमचे असूनन, ९० हजार रुपयांचे आहे. अधिक तपास पोलीस अंमलदार दत्तात्रय वानखेडे करत आहेत.
.jpg)
.jpg)
.jpg)
