Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : मिक्सर हायवाने दुचाकीला उडवले. यात दुचाकीस्वाराचा जागीच मृत्यू झाला. ही घटना बिडकीन (ता. पैठण) येथे दुर्गा हायस्कूलसमोर मंगळवारी (३० डिसेंबर) सकाळी घडली. विशाल भगवान राठोड (वय २२, रा. सहयोगनगर, बिडकीन) असे मृत्यू झालेल्याचे नाव आहे.
बिडकीनहून चितेगावकडे मिक्सर हायवा (क्र. एमएच २० ईजी ८०३३) जात होता, तर विशाल दुचाकीने (क्र. एमएच २० जीएम ७९५७) त्याच्या चहाच्या दुकानावर जात होता. हायवाने इतक्या जोरात धडक दिली, की दुचाकी चक्काचूर झाली. नागरिकांनी धाव घेऊन रुग्णवाहिका बोलावून विशाल आणि त्याच्यासोबत असलेल्या सचिन जाधव (वय २१) याला बिडकीनच्या ग्रामीण रुग्णालयात आणले. मात्र डॉक्टरांनी विशालला तपासून मृत घोषित केले.
सचिनला पुढील उपचारासाठी छत्रपती संभाजीनगर येथील खासगी रुग्णालयात दाखल केले आहे. विशाल मूळचा परळीचा होता. त्याचे कुटुंब आता बिडकीनलाच राहते. त्यांच्या घराचे बांधकामही सुरू आहे. विशालने बिडकीनला मैत्र चहाचा कट्टा दुकान चालू केले असून, त्याचे वडील भगवान राठोड लेबर कॉन्ट्रॅक्टर आहेत. विशाल हा एकुलता एक मुलगा होता. त्याला दोन बहिणी आहेत. विशाल सकाळी सहालाच दुकान उघडायचा. मंगळवारी त्याला उशीर झाल्याने वडिलांनी दुकान उघडले. नंतर तो दुचाकीने दुकानाकडे जात असताना काळाने घाला घातला.
.jpg)
.jpg)
