Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तसेवा) : जळकी वसई (ता. सिल्लोड) येथे नववीत शिकणाऱ्या मुलीने गळफास घेऊन आत्महत्या केल्याने अवघे गाव शॉक्ड झाले आहे. ही घटना शुक्रवारी (२० फेब्रुवारी) मध्यरात्री घडली. शनिवारी (२१ फेब्रुवारी) सकाळी आठला फासावर लटकलेला मृतदेह पाहून आई-वडिलांनी हंबरडा फोडला.
ज्योती दीपकलाल जैस्वाल (वय १४, रा. जळकी वसई) असे आत्महत्या केलेल्या विद्यार्थिनीचे नाव आहे. ज्योती गावातीलच शाळेत शिकत होती. तिने राहत्या घरात दोरीने गळफास घेतला. ही बाब लक्षात येताच कुटुंबीयांनी तिला तातडीने अजिंठा येथील ग्रामीण रुग्णालयात आणले. मात्र डॉक्टरांनी तपासून मृत घोषित केले. उत्तरीय तपासणीनंतर मृतदेह नातेवाइकांच्या ताब्यात देण्यात आला. तिच्या पश्चात आई, वडील, भाऊ असा परिवार आहे. अजिंठा पोलिसांनी आकस्मिक मृत्यूची नोंद करून आत्महत्येचे कारण शोधायला सुरुवात केली आहे.
.jpg)
