Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सोयगाव (मेट्रोपोलिस पोस्ट वृत्तपत्राच्या सौजन्याने) : निंबायती (ता. सोयगाव) येथील शेतकरी गजानन हरिबा शेवरे (वय ५५) यांना नागाने कपाळाच्या मध्यभागी दंश केला. तासभरात त्यांचा मृत्यू झाला. ही घटना शुक्रवारी (१९ सप्टेंबर) दुपारी ३ च्या सुमारास धिंगापूर (ता. सोयगाव) शिवारात घडली.
शेवरे हे शेतात जनावरांना वैरण टाकण्यासाठी शेडचा दरवाजा उघडत होते. त्याचवेळी दरवाजामागे बसलेल्या सापाने त्यांना दंश केला. नातेवाइकांनी त्यांना सोयगाव ग्रामीण रुग्णालयात आणले. मात्र तासभरातच त्यांचा मृत्यू झाला. रात्री आठला अंत्यसंस्कार करण्यात आले. शेवरे यांच्या पश्चात पत्नी, दोन मुले, दोन मुली, सुना, नातवंडे असा परिवार आहे. शेतकऱ्यांच्या कुटुंब कर्जबाजारी असल्याने तातडीने आर्थिक मदत करावी, अशी मागणी ग्रामस्थांनी केली आहे. पोलिसांसह महसूल आणि कृषी विभागाने घटनेचा पंचनामा केला आहे.
.jpg)
.jpg)
