पैठण (सीएससीएन वृत्तसेवा) : दुचाकीस्वाराला चिरडून वाहन पसार झाले. ही घटना मंगळवारी (२३ जुलै) रात्री साडेदहाच्या सुमारास छत्रपती संभाजीनगर ते बीड महामार्गावरील आडूळ शिवारात घडली. गणेश ऊर्फ अवधूत माणिकराव वाघ (वय ४६) असे मृत्यू झालेल्याचे नाव असून त्यांच्यामागे बसलेले राधाकिसन बाबूराव वाघ (वय ४५, दोघे रा. आडूळ बुद्रूक, ता. पैठण) गंभीर जखमी झाले आहेत.
गणेश वाघ व राधाकिसन वाघ मोटारसायकलीने घराकडे येतत होते. अज्ञात वाहनाने त्यांच्या दुचाकीला धडक दिली. यात गणेश यांचा जागीच मृत्यू झाला, तर राधाकिसन गंभीर जखमी झाले. त्यांना छत्रपती संभाजीनगर येथील एका खासगी रुग्णालयात दाखल केले असून, उपचार सुरू आहेत. अपघातानंतर ग्रामस्थांनी अज्ञात वाहनाचा दूरपर्यंत पाठलाग केला. मात्र रात्रीची वेळ असल्याने ते पसार होण्यात यशस्वी झाले.
मिटमिट्याजवळ दुचाकीला स्कूलबसची धडक, दोघांचा मृत्यू
स्कूलबसच्या धडकेत दुचाकीस्वार दोघांचा मृत्यू झाला. ही घटना बुधवारी (२४ जुलै) दुपारी चारच्या सुमारास मिटमिटा रस्त्यावर घडली. अपघातात दोन्ही मृतांच्या मोबाइलचा चुराडा झाला. त्यांच्याकडे अन्य कोणतेही ओळखपत्र आढळले नाही. त्यामुळे सकाळपर्यंत ओळख पटू शकली नाही, असे पोलीस सूत्रांकडून सांगण्यात आले. पडेगावकडून दुचाकीस्वार (क्र. एमएच २०, एफझेड ५५३०) दौलताबाद टीकडे जात होते.
त्यांची दुचाकी मिटमिट्याच्या पुढे येताच समोरून शहराच्या दिशेने येणाऱ्या स्कूलबसने (क्र. एमएच २०, ईएल ८८५४) जोरात धडक दिली. दुचाकीस्वार एक जण जागीच ठार झाला. दुसरा गंभीर जखमी झाला. त्याला छावणी पोलिसांनी घाटी रुग्णालयात दाखल केले असता रात्री नऊच्या सुमारास त्याचाही मृत्यू झाला. अधिक तपास पोलीस अंमलदार संजय रोकडे करत आहेत.
.jpeg)
.jpg)
.jpg)
.jpg)
.jpeg)
.jpg)
