छत्रपती संभाजीनगरात ‘संतमिलन’, जैन बांधवांचा ओसांडून वाहला उत्साह, असा झाला सोहळा...

By City News Desk

On 29 Dec 2025

छत्रपती संभाजीनगरात ‘संतमिलन’, जैन बांधवांचा ओसांडून वाहला उत्साह, असा झाला सोहळा...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : खंडेलवाल दिगंबर जैन पंचायत पार्श्वनाथ मंदिर, राजाबाजार यांच्या वतीने रविवारी (२८ डिसेंबर) मोंढा नाका रस्त्यावरील लक्ष्मण चावडी येथे उभारलेल्या धर्मपीठावर ‘संतमिलन' झाले. आचार्य गुणधरनंदी गुरुदेव व उपाध्याय विरंजनसागर गुरुदेव यांनी गळाभेट घेतली. दोन्ही संतांचे मिलन होताच पुष्पवृष्टी करण्यात आली. जयकारा गुरुदेव का जयजय गुरुदेव... असा जयघोष झाला.

कर्नाटकमधून शेकडो किलोमीटरची पदयात्रा करून आचार्य गुणधरनंदी गुरुदेव छत्रपती संभाजीनगरला आले. बँडपथक, ढोलपथकाच्या दणदणाटात त्यांचे स्वागत झाले. ‘संतमिलन'चा मोठा उत्साह समाजबांधवांत होता. महिला डोक्यावर मंगलकलश घेऊन सहभागी झाल्या. जैन संतांची गळाभेट झाल्यानंतर पदयात्रेला प्रारंभ झाला. नवाबपुरा येथील हिराकाका प्रांगणात पदयात्रेची सांगता झाली. यानंतर धर्मसभा झाली.

आचार्य गुणधरनंदी गुरुदेव यांनी मार्गदर्शन केले. सभेचे सूत्रसंचालन संजय पहाडे यांनी केले. यशस्वितेसाठी पंचायतीचे अध्यक्ष महावीर पाटणी, प्रकाश अजमेरा, महावीर ठोले, यतीन ठोले, अरुण पाटणी, ललित पाटणी, संतोष सेठी, किरण पहाडे, जितेंद्र पाटणी, चंदा कासलीवाल, नीता ठोले यांच्यासह पदाधिकाऱ्यांनी पुढाकार घेतला. (या सोहळ्यापूर्वी कचनेर येथे आचार्य गुणधरनंदी गुरुदेव व आचार्य गुप्तीनंदी गुरुदेव यांचे ‘गुरुभाई मिलन' झाले होते.)