Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसीत कंपनी कामगाराचा रस्त्यावरील खड्ड्यात दुचाकी आदळून झालेल्या अपघातात मृत्यू झाला. तो कंपनीत कामाला निघाला होता. जोगेश्वर-रामराई रस्त्याच्या बाजूला शेतात तो मृतावस्थेत आढळला. ही घटना आज, १५ जानेवारीला सकाळी घडली.
आकाश विठ्ठल वाघमारे (रा. जोगेश्वरी) असे मृत्यू झालेल्या कामगाराचे नाव आहे. तो मोटारसायकलीने (क्र. एमएच २० ईक्यू २४८६) कंपनीत कामाला जात होता. जोगेश्वरी-रामराई रस्त्यावरील नरवडे यांच्या शेताजवळ मृतावस्थेत आढळला. त्याला त्याचा भाऊ प्रदीप वाघमारे व अजिंक्य वाघमारे यांनी रिक्षातून घाटी रुग्णालयात आणले. मात्र डॉक्टरांनी तपासून मृत घोषित केले. वाळूज पोलिसांनी आकस्मिक मृत्यूची नोंद करून तपास सुरू केला आहे. अधिक तपास पोलीस निरीक्षक शिवचरण पांढरे यांच्या मार्गदर्शनाखाली पोलीस अंमलदार शेख गफ्फार करत आहेत.
