Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : छत्रपती संभाजीनगर शहरातील किराडपुऱ्यातून १७ वर्षीय मुलीचे अपहरण करण्यात आल्याची घटना समोर आली आहे. ती लहान बहिणीची टीसी घेण्यासाठी फातेमा गर्ल्स हायस्कूलला आली होती. त्यानंतर गायब झाली आहे. ही घटना शनिवारी (११ ऑक्टोबर) सकाळी साडेदहाच्या सुमारास घडली.
मुलीच्या वडिलांनी दिलेल्या तक्रारीवरून जिन्सी चौक पोलिसांनी अज्ञात अपहरणकर्त्याविरुद्ध सोमवारी (१३ ऑक्टोबर) गुन्हा दाखल करून मुलीचा शोध सुरू केला आहे. मुलगी नारेगावमध्ये वडील, आई, बहिणीसह राहते. लहान बहिणीची टीसी घेण्यासाठी वडिलांनी तिला शाळेत सोडले होते. घरात फरशी बसविण्याचे काम चालू असल्याने ते घरी आले.
सकाळी साडेअकराला मुलीला कॉल केला असता तिने शाळेत मीटिंग सुरू असल्याने टीसी मिळण्यास उशीर होत असल्याचे सांगितले. त्यानंतर अर्ध्या तासाने पुन्हा तिला वडिलांनी कॉल केला असता मोबाइल बंद येत होता. त्यानंतर तिच्या वडिलांनी तातडीने किराडपुरा परिसर व फातेमा गर्ल्स हायस्कूलकडे धाव घेतली. मात्र मुलगी मिळून आली नाही. तिचा आजूबाजूच्या परिसरात, नातेवाइक, बसस्थानकावरही शोध घेण्यात आला. अखेर तिला कुणीतरी फूस लावून पळवल्याची खात्री झाल्याने तिच्या वडिलांनी जिन्सी चौक पोलीस ठाण्यात धाव घेतली. मुलगी १० वी शिकलेली आहे. अधिक तपास पोलीस अंमलदार गजानन मांटे करत आहेत.
.jpg)
.jpg)
.jpg)
.jpg)
