Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : माझ्या नवऱ्यासोबत का बोलते, असा जाब विचारत संतप्त महिलेने ३२ वर्षीय युवतीला मारहाण करत तिच्या डोक्यात स्टिलचा डबा घातला. यात तिचे दात पडले. घाटी रुग्णालयात उपचार घेतल्यानंतर तिने जवाहरनगर पोलीस ठाण्यात मारहाण करणाऱ्या महिलेविरुद्ध तक्रार दिली. त्यावरून पोलिसांनी गुन्हा दाखल केला आहे. ही घटना २० जुलैला रोजी सकाळी ९ च्या […]
छत्रपती संभाजीनगर (सीएससीएन वृत्तसेवा) : माझ्या नवऱ्यासोबत का बोलते, असा जाब विचारत संतप्त महिलेने ३२ वर्षीय युवतीला मारहाण करत तिच्या डोक्यात स्टिलचा डबा घातला. यात तिचे दात पडले. घाटी रुग्णालयात उपचार घेतल्यानंतर तिने जवाहरनगर पोलीस ठाण्यात मारहाण करणाऱ्या महिलेविरुद्ध तक्रार दिली. त्यावरून पोलिसांनी गुन्हा दाखल केला आहे. ही घटना २० जुलैला रोजी सकाळी ९ च्या सुमारास त्रिमूर्ती चौकातील डॉ. बाबासाहेब आंबेडकर वाचनालयासमोर घडली.
जखमी युवती देवळाई परिसरातील हरिप्रसादनगरात राहते, तर मारहाण करणारी महिला भानुदासनगरच्या गल्ली नं. ५ मध्ये राहते. महापालिका दवाखान्यातील काम उरकून दुपारी तीनला युवती घरी जात असताना नात्यातील ओळखीच्या महिलेने तिला अडवले. तू माझ्या पतीसोबत का बोलते असा जाब विचारत तिने शिवीगाळ करून मारहाण सुरू केली.
हातातील जेवणाचा स्टिलचा डबा घेऊन डोक्यावर मारून जखमी केले. त्यानंतर ती निघून गेली. जखमी युवतीने आईला कॉल करून बोलावून घेतले. तिच्या आईसह ती जवाहरनगर पोलीस ठाण्यात आली. पोलिसांनी मेडिकल मेमो देऊन तिला घाटी रुग्णालयात पाठवले. उपचार घेतल्यानंतर तिने पोलीस ठाण्यात येऊन तक्रार दिली. त्यावरून पोलिसांनी मारहाण करणाऱ्या महिलेविरुद्ध गुन्हा दाखल केला आहे. अधिक तपास पोलीस अंमलदार गोरखनाथ चव्हाण करत आहेत.
.jpg)
