पैठण/सिल्लोड /गंगापूर (मेट्रोपोलिस पोस्ट वृत्तसेवा) : टिप्पर आणि इको व्हॅन समोरासमोर धडकून व्हॅनमधील दोघे जण गंभीर जखमी झाले. हा अपघात छत्रपती संभाजीनगर- पैठण महामार्गावरील बिडकीन डीएमआयसी परिसरात रविवारी (१ मार्च) सकाळी १० च्या सुमारास घडला.
बिडकीन डीएमआयसी परिसरातून इको व्हॅन जात होती. त्याचवेळी मागून येणाऱ्या टिप्परने व्हॅनला जोरदार धडक दिली. धडक इतकी जोरदार होती, की व्हॅनचे मोठे नुकसान झाले. अपघातानंतर टिप्परचालकाने वाहनासह पळ काढला. व्हॅनमधील लहू गोवर्धन चव्हाण (वय २६) व रोहित रामेश्वर पवार (वय १२ वर्षे, दोन्ही रा. गाडीवाट तांडा, ता. पैठण) गंभीर जखमी झाले. त्यांना बिडकीन येथील खासगी रुग्णालयात दाखल केले. प्रकृती चिंताजनक असल्याने दोघांना छत्रपती संभाजीनगर येथील खासगी रुग्णालयात हलविण्यात आले आहे. बिडकीन परिसरात सध्या विना नंबरचे टिप्पर, हायवा मोठ्या प्रमाणार धावत असून, याकडे महसूल विभाग आणि पोलिसांचे दुर्लक्ष असल्याचा आरोप होत आहे.
सिल्लोड : जीपने दुचाकीला उडवले, तरुणाचा मृत्यूबोलेरो जीपने दुचाकीला धडक दिली. यात दुचाकीस्वार अजय शिवाजी जोगदंडे (वय २५, रा. निल्लोड, ता. सिल्लोड) यांचा जागीच मृत्यू झाला. ही दुर्घटना सिल्लोड तालुक्यातील केऱ्हाळा फाट्यावर रविवारी (१ मार्च) रात्री घडली. वडोदबाजार पोलिसांनी अपघाताची नोंद घेतली आहे. अजय मित्रासह दुचाकीने आरो फिल्टरचे पाणी घेण्यासाठी गेला होता. छत्रपती संभाजीनगरहून सिल्लोडकडे येणाऱ्या जीपने दुचाकीला धडक दिली. अजयचे ४ महिन्यांपूर्वीच लग्न झाले होते. तो घरापासून ३ किमी अंतरावरील चिंचखेडा गावाजवळील एका हॉटेलमध्ये कामाला जात होता.
गंगापूर : कार-दुचाकी अपघातात दुचाकीस्वार गंभीर जखमीकार व दुचाकी यांच्यात समोरासमोर धडक देऊन दुचाकीस्वार गंभीर जखमी झाला. हा अपघात गंगापूर- वैजापूर महामार्गावरील नरहरी रांजणगाव फाटा येथे सोमवारी (२ मार्च) दुपारी २ च्या सुमारास घडली. गंगापूरच्या दिशेने येणाऱ्या कारने वैजापूरच्या दिशेने जाणाऱ्या दुचाकीला जोरात धडक दिली. यात दुचाकीस्वार ज्ञानेश्वर अशोक बोडखे (रा. बगडी, ता. गंगापूर) गंभीर जखमी झाले. त्यांना नागरिकांनी गंगापूर येथील उपजिल्हा रुग्णालयात आणले. प्रकृती चिंताजनक असल्याने छत्रपती संभाजीनगर येथील घाटी रुग्णालयात हलविण्यात आले.
.jpeg)
.jpg)
.jpg)
.jpeg)
