मुंबई (मेट्रोपोलिस पोस्ट वृत्तपत्राच्या सौजन्याने) : मुंबईत एक धक्कादायक घटना समोर आली आहे. शहरातील मालवणी परिसरात एका पुरुषाने आपली लिव्ह-इन पार्टनर तरुणी आणि तिच्या मुलाची हत्या करण्याचा प्रयत्न केला. त्याचा संताप अनावर झाला होता, कारण ती तिच्या घटस्फोटित पतीला भेटायला गेली होती. संतापलेल्या प्रियकराने महिलेला जबरदस्तीने तापेच्या गोळ्या खाऊ घातल्या आणि तिला बेशुद्ध करण्याचा प्रयत्न केला. त्यानंतर, त्याने तिच्या साडेतीन वर्षांच्या मुलाचा विद्युत तारेने गळा दाबून खून करण्याचा प्रयत्न केला. सुदैवाने, महिलेच्या ओरडण्याने शेजारी एकत्र आले आणि आई आणि मुलगा बचावले. पोलिसांनी आरोपीला अटक केली आहे.
मालवणी पोलिसांच्या म्हणण्यानुसार, ४३ वर्षीय सिद्धार्थ पटेल हा मालवणी परिसरातील एका अपार्टमेंटमध्ये २३ वर्षीय एस. परबसोबत लिव्ह-इन रिलेशनशिपमध्ये राहत होता. ही आधी विवाहित होती आणि तिला साडेतीन वर्षांचा मुलगा आहे. बुधवारी सिद्धार्थला कळले की परब तिच्या पतीला मीरा रोड येथे २२ सप्टेंबर रोजी भेटायला गेली होती. त्यामुळे तो संतापला. त्याने तिला मारहाण करण्यास सुरुवात केली. परबने पोलिसांना सांगितले, की तिने सिद्धार्थला समजावून सांगण्याचा प्रयत्न केला. मात्र तो तो काहीही ऐकून घेत नव्हता.
रागाच्या भरात गोळ्या खायला दिल्या...वरिष्ठ निरीक्षक शैलेंद्र नगरकर म्हणाले की, रागाच्या भरात सिद्धार्थने एस. परबला घरात ठेवलेल्या क्रोसिनच्या गोळ्या खायला दिल्या. त्याने तरुणीच्या मुलालाही मारण्याचा प्रयत्न केला. जेव्हा पटेलने मुलाच्या गळ्यात वायर गुंडाळली तेव्हा तरुणी मदतीसाठी ओरडू लागली. आवाज ऐकून शेजारी जमा झाले. त्यांनी पोलीस नियंत्रण कक्षाला फोन केला, त्यानंतर पोलिसांनी पटेलला ताब्यात घेतले. पोलिसांनी तरुणी आणि तिच्या मुलाला कांदिवली (पश्चिम) येथील शताब्दी रुग्णालयात दाखल केले. रुग्णालयातून डिस्चार्ज दिल्यानंतर तिचा जबाब घेतला जाईल, असे निरीक्षकांनी सांगितले. पोलिस या प्रकरणाची चौकशी पोलीस करत आहेत.
.jpg)
.jpg)
1.jpg)
