Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : विधानसभा निवडणुकीसाठी उमेदवारी अर्ज भरण्याच्या चौथ्या दिवशी शिंदे गटाचे उमेदवार संजय शिरसाट, भाजपचे उमेदवार अतुल सावे यांच्यासह २८ उमेदवारांनी अर्ज दाखल केले. २९ ऑक्टोबर ही उमेदवारी अर्ज भरण्याची अंतिम मुदत आहे. २२ ऑक्टोबरपासून उमेदवारी अर्जांची विक्री आणि स्वीकारण्याची प्रक्रिया सुरू आहे. शुक्रवारी फुलंब्रीतून गेवराई पायगाचे सरपंच मंगेश साबळे, शिंदे गटाचे […]
छत्रपती संभाजीनगर (सीएससीएन वृत्तसेवा) : विधानसभा निवडणुकीसाठी उमेदवारी अर्ज भरण्याच्या चौथ्या दिवशी शिंदे गटाचे उमेदवार संजय शिरसाट, भाजपचे उमेदवार अतुल सावे यांच्यासह २८ उमेदवारांनी अर्ज दाखल केले. २९ ऑक्टोबर ही उमेदवारी अर्ज भरण्याची अंतिम मुदत आहे.
२२ ऑक्टोबरपासून उमेदवारी अर्जांची विक्री आणि स्वीकारण्याची प्रक्रिया सुरू आहे. शुक्रवारी फुलंब्रीतून गेवराई पायगाचे सरपंच मंगेश साबळे, शिंदे गटाचे रमेश पवार यांनी अपक्ष म्हणून अर्ज दाखल केले आहेत. छत्रपती संभाजीनगर पश्चिम मतदारसंघातून शिंदे गटाचे संजय शिरसाट यांनी दोन अर्ज भरले असून छत्रपती संभाजीनगर पूर्व मतदारसंघातून भाजपचे अतुल सावे यांनीही दोन अर्ज भरले आहेत.
मतदारसंघनिहाय आलेले अर्ज सिल्लोड -३, कन्नड -३, छत्रपती संभाजीनगर मध्य- १, छत्रपती संभाजीनगर पश्चिम – ३, छत्रपती संभाजीनगर पूर्व – ६, पैठण- ९ असे अर्ज दाखल झाले आहेत. गंगापूर आणि वैजापूर मतदारसंघातून शुक्रवारी एकही उमेदवारी अर्ज दाखल झाला नसल्याचे सांगण्यात आले.
पूर्व मतदारसंघात अर्ज भरणारे उमेदवार अतुल सावे (भाजप), शेख गफरान अहमद (अपक्ष), साहेब खान यासीन खान पठाण (बहुजन रिपब्लिकन सोशालिस्ट पार्टी), जयप्रकाश गुलाबराव घोरपडे (भारतीय शेतकरी कामगार पक्ष), मोहम्मद इसा मोहम्मद यासीन (आॅल इंडिया मजलिस-ए- इन्कलाब ए- मिल्लत).
.jpg)
.jpg)
.jpg)
