छ. संभाजीनगर मध्य, पूर्व मतदारसंघावर भाजपचा डोळा!; पक्षश्रेष्ठींकडे जोर लावणार…शिरसाट, जैस्वाल यांचे टेंशन वाढले!!

By City News Desk

On 29 Jun 2024

छ. संभाजीनगर मध्य, पूर्व मतदारसंघावर भाजपचा डोळा!; पक्षश्रेष्ठींकडे जोर लावणार…शिरसाट, जैस्वाल यांचे टेंशन वाढले!!

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : लोकसभा निवडणुकीत शिंदे गटाचे उमेदवार संदिपान भुमरे खासदार झाले. ही जागा भाजपला सुटेल अशी आशा होती. पण ऐनवेळी शिंदे गटाकडे गेली. आता भाजपने शहरातील मध्य व पश्चिम मतदारसंघांवर डोळा ठेवला असून, सध्या हे दोन्ही मतदारसंघ शिंदे गटाकडे आहेत. भविष्यात जागा वाटपावरून दोन्ही पक्षांत चांगलीच धुसफूस होण्याची शक्‍यता आतापासून वर्तवली जात […]

छत्रपती संभाजीनगर (सीएससीएन वृत्तसेवा) : लोकसभा निवडणुकीत शिंदे गटाचे उमेदवार संदिपान भुमरे खासदार झाले. ही जागा भाजपला सुटेल अशी आशा होती. पण ऐनवेळी शिंदे गटाकडे गेली. आता भाजपने शहरातील मध्य व पश्चिम मतदारसंघांवर डोळा ठेवला असून, सध्या हे दोन्ही मतदारसंघ शिंदे गटाकडे आहेत. भविष्यात जागा वाटपावरून दोन्ही पक्षांत चांगलीच धुसफूस होण्याची शक्‍यता आतापासून वर्तवली जात आहे.

भाजपच्या स्थानिक पदाधिकारी, कार्यकर्त्यांनी शुक्रवारी (२८ जून) शहर जिल्हाध्यक्ष शिरीष बोराळकर यांच्याकडे मध्य व पश्चिम मतदारसंघही आपल्याकडे घेण्याची मागणी केली आहे. शहरातील तिन्ही मतदारसंघांतील पदाधिकारी, कार्यकर्त्यांच्या बैठका बोराळकर यांच्या उपस्थितीत झाल्या. पश्चिम मतदारसंघाची बैठक भाजप कार्यालयात, पूर्व मतदारसंघाची बैठक धर्मवीर संभाजी महाविद्यालयात, तर मध्य विधानसभा मतदारसंघाची बैठक खा. डॉ. भागवत कराड यांच्या नूतन कॉलनीतील कार्यालयात झाली.

लोकसभेत जशी तडजोड झाली तशी विधानसभा निवडणुकीत होऊ नये, यावर सर्वांचा प्रामुख्याने भर राहिला. या दोन मतदारसंघांत सध्या शिंदे गटाचे संजय शिरसाट आणि प्रदीप जैस्वाल आमदार आहेत. तरीही भाजपने आतापासूनच दावा सुरू केल्याने पुढील काळात या जागांवरून चांगलाच वाद रंगण्याची चिन्हे आतापासूनच दिसून येत आहेत.