सारा परिवर्तनमध्ये चोरी!; दारासमोरील बुटातील चावी घेऊन रोकड, दागिन्यांवर डल्ला

By City News Desk

On 07 Dec 2025

सारा परिवर्तनमध्ये चोरी!; दारासमोरील बुटातील चावी घेऊन रोकड, दागिन्यांवर डल्ला

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (मेट्रोपोलिस पोस्ट वृत्तसेवा) : सावंगी (हर्सूल) येथील सारा परिवर्तन सोसायटीतील फ्‍लॅटमध्ये शनिवारी (६ डिसेंबर) सकाळी चोरी झाली. दारासमोरील बुटात चावी ठेवून महिला नोकरीवर गेली. ही संधी साधून चोरट्याने बुटातून चावी मिळवत १ लाख ३४ हजार रुपयांचा ऐवज लंपास केला.

वैशाली टोपाजी हाटकर या नोकरीला जातात. तक्रारीनुसार, शनिवारी सकाळी दहाला त्यांनी घराला कुलूप लावून चावी दारासमोरील बुटात ठेवली होती. चोरट्याने पाळत ठेवून बुटातील चावी मिळवली. घरातील सोन्याचे दागिने व रोख रक्कम लांबवली. ही चोरी सकाळी साडेअकरा ते अडीचच्या दरम्यान घडली. वैशाली यांनी फुलंब्री पोलीस ठाणे गाठून तक्रार दिली. त्यावरून पोलिसांनी चोरट्याविरुद्ध गुन्हा दाखल केला आहे. पोलीस चोरट्याचा शोध घेत आहेत.

अनेकांना अलर्ट करणारी घटना...
दारासमोर एखाद्या ठिकाणी छुप्या पद्धतीने घराची चावी ठेवण्याची अनेक जणांची पद्धत आहे. यामुळे घरातील सदस्य आले तरी चावी असल्याने ताटकळत बसावे लागत नाही. मात्र ही बाब अत्यंत गोपनीय पद्धतीने झाली तर ठीक, अन्यथा कुणी पाहिली तर अख्खे घर साफ होऊ शकते, हे अलीकडच्या काही घटनांतून समोर आले आहे. असे केल्यापेक्षा अधिक चाव्या घेऊन त्या घरातील प्रत्येक सदस्याकडे द्यायला हव्यात.