धक्कादायक : इंग्रजी शाळेत सहावीतील विद्यार्थ्यावर लैंगिक अत्याचाराचा प्रयत्न, छत्रपती संभाजीनगरची घटना

By City News Desk

On 07 Dec 2025

धक्कादायक : इंग्रजी शाळेत सहावीतील विद्यार्थ्यावर लैंगिक अत्याचाराचा प्रयत्न, छत्रपती संभाजीनगरची घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (मेट्रोपोलिस पोस्ट वृत्तसेवा) : सहावीतील ११ वर्षीय विद्यार्थ्यावर वर्गातीलच ४ विद्यार्थ्यांनी लैंगिक अत्याचाराचा प्रयत्न केल्याची घटना हर्सूल सावंगी येथील एका इंग्रजी शाळेसमोर घडली. त्यामुळे खळबळ उडाली आहे. पीडित मुलाच्या वडिलांनी शनिवारी (६ डिसेंबर) फुलंब्री पोलिसांत तक्रार दिली. त्यावरून पोलिसांनी चारही विधिसंघर्षग्रस्त मुलांविरुद्ध गुन्हा दाखल केला आहे.

तक्रारीनुसार, पीडित विद्यार्थ्याला काही दिवसांपासून वर्गातील चार विद्यार्थी अश्लील चाळे करून मानसिक त्रास देत होते. २४ सप्टेंबरला शाळेच्या मैदानात चौघांनी त्याला विवस्त्र करून त्याच्यार लैंगिक अत्याचार करण्याचा प्रयत्न केला. यामुळे मुलगा दहशतीखाली वावरत होता. शुक्रवारी (५ डिसेंबर) त्याने घडलेला प्रकार वडिलांना सांगितला. यानंतर शनिवारी त्याच्या वडिलांनी फुलंब्री पोलिसांत येऊन तक्रार दिली. संशयित मुलेही अल्पवयीन आहेत. पुढील चौकशी व कारवाई सुरू असल्याची माहिती फुलंब्री पोलीस ठाण्याचे पोलीस निरीक्षक संजय सहाणे यांनी पत्रकारांना दिली.

वळदगावमध्ये ३४ वर्षीय युवकाची आत्महत्या
सातारा पोलीस ठाण्याच्या हद्दीतील वळदगावमध्ये दत्तू कचरु खोतकर (वय ३४) यांनी गळफास घेऊन आत्‍महत्‍या केली. ही घटना शनिवारी (६ डिसेंबर) सकाळी समोर आली. दत्तू यांची पत्नी काही दिवसांपासून माहेरी राहण्यास गेली होती. सातारा पोलीस ठाण्याचे अंमलदार राहुल रणवीर अधिक तपास करत आहेत.