Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : विद्यार्थ्यांचा जीव धोक्यात घालून धावणाऱ्या ७८ स्कूल बसेसवर गेल्या दोन दिवसांत आरटीओ कार्यालयाने कारवाई केली आहे. नियमांकडे दुर्लक्ष करून विद्यार्थ्यांची नेआण केली जात असल्याबद्दल छत्रपती संभाजीनगर सिटी न्यूजने वृत्त प्रसिद्ध केले होते. त्याची दखल घेत आरटीओने तपासणी मोहीम हाती घेतली आहे. शाळा सुरू झाल्यानंतर धोकादायक स्कूलबसचा प्रश्न पालकांनी छत्रपती संभाजीनगर […]
छत्रपती संभाजीनगर (सीएससीएन वृत्तसेवा) : विद्यार्थ्यांचा जीव धोक्यात घालून धावणाऱ्या ७८ स्कूल बसेसवर गेल्या दोन दिवसांत आरटीओ कार्यालयाने कारवाई केली आहे. नियमांकडे दुर्लक्ष करून विद्यार्थ्यांची नेआण केली जात असल्याबद्दल छत्रपती संभाजीनगर सिटी न्यूजने वृत्त प्रसिद्ध केले होते. त्याची दखल घेत आरटीओने तपासणी मोहीम हाती घेतली आहे.
शाळा सुरू झाल्यानंतर धोकादायक स्कूलबसचा प्रश्न पालकांनी छत्रपती संभाजीनगर सिटी न्यूजकडे मांडला होता. तसे वृत्त प्रसिद्ध केल्यानंतर आरटीओ कार्यालयाचे पथक कारवाईसाठी सरसावले आहे. अनेक स्कूल बसमधून क्षमतेपेक्षा अधिक विद्यार्थ्यांची वाहतूक होत होती, तर अनेक स्कूल बस फिटनेस प्रमाणपत्राशिवाय धावत असल्याचे कारवाईत समोर आले.
प्रादेशिक परिवहन अधिकारी (प्रभारी) विजय काठोले यांनी पत्रकारांना सांगितले, की फिटनेस प्रमाणपत्र नसणे, अग्निशमन यंत्रणा, क्षमतेपेक्षा अधिक विद्यार्थी, स्पीड गव्हर्नर लॉक नसणे, विमा नसणे, महिला अटेंडंट नसणे, पीयूसी नसणे, प्रथमोपचार पेटी नसणे, सीट बेल्ट न लावणे आदी कारणांमुळे ७८ स्कूल बसकडून दंड आकारण्यात आला आहे. या कारवाईचे स्वागत पालकांनी केले आहे.
.jpg)
