खान कुटुंबात पहिल्यांदाच जन्मले कन्यारत्न; अरबाज खान पुन्हा झाला पिता

By City News Desk

On 06 Oct 2025

खान कुटुंबात पहिल्यांदाच जन्मले कन्यारत्न; अरबाज खान पुन्हा झाला पिता

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

प्रसिद्ध अभिनेता सलमान खान याच्या कुटुंबात पहिल्यांदाच कन्यारत्न जन्माला आले आहे. सलमानचा मोठा भाऊ अभिनेता आणि चित्रपट निर्माता अरबाज खान याची दुसरी पत्नी शुरा हिच्या पोटी रविवारी ५ ऑक्टोबरला कन्या जन्माला आली आहे.

शूराला ४ ऑक्टोबर रोजी मुंबईच्या हिंदुजा रुग्णालयात दाखल करण्यात आले होते. ५ ऑक्टोबरला तिच्या पोटी मुलीने जन्म घेतला. शुरा सध्या रुग्णालयात आहे. छोट्या राजकुमारीच्या आगमनाने कुटुंबाचा आनंद द्विगुणीत झाला आहे. शूराचा बेबी शॉवर सलमान, सोहेल व सलमा खान यांच्यासह जवळच्या मित्रांच्या उपस्थितीत पार पडला. अरबाज तब्बल २५ वर्षांनी पुन्हा वडील झाला आहे. याआधी अरबाजला पहिली पत्नी मलायका अरोरा हिच्यापासून अरहान खान हा मुलगा झाला होता. आता या कुटुंबात एका मुलीचेही स्वागत झाले आहे. खान कुटुंबातील ही पहिली मुलगी आहे, कारण सोहेल खानलाही दोन मुले आहेत.