कन्नडमध्ये टोमॅटो गोदामात तरुणाच्या खुनामुळे खळबळ!

By City News Desk

On 13 Oct 2025

कन्नडमध्ये टोमॅटो गोदामात तरुणाच्या खुनामुळे खळबळ!

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

कन्नड (मेट्रोपोलिस पोस्ट वृत्तपत्राच्या सौजन्याने) : मजुरांत हाणामारी झाल्यानंतर परप्रांतीय मजूर जखमी झाला. रात्री झोपला, तसा सकाळी तो उठलाच नाही. ही घटना कन्नड शहरात कन्नड- बहिरगाव रस्त्यावरील रामदास शिरसे यांच्या टोमॅटो गोदामात रविवारी (१२ ऑक्‍टोबर) सकाळी समोर आली.

राजकुमार अमरसिंग (वय २२, रा. उत्तर प्रदेश) असे मृत्यू झालेल्या मजुराचे नाव आहे. शनिवारी (११ ऑक्टोबर) रात्री ८ च्या सुमारास गोदामातील मजुरांत किरकोळ कारणावरून वाद होऊन हाणामारी झाली. यात राजकुमारला दुखापत झाली. त्याला खासगी रुग्णालयात नेऊन प्राथमिक उपचार करण्यात आले. उपचारानंतर रात्री जेवण करून राजकुमार झोपी गेला, तसा सकाळी उठलाच नाही. अन्य मजुरांनी माहिती गोदाममालक रामदास शिरसे यांना कळवले.

त्यांनी तातडीने राजकुमारला कन्नड ग्रामीण रुग्णालयात आणले. मात्र वैद्यकीय अधिकारी डॉ. रूपाली पठारे यांनी तपासून मृत घोषित केले. घटनेची नोंद कन्नड शहर पोलिसांनी घेतली असून, अद्याप खुनाचा गुन्हा दाखल केलेला नाही, असे सूत्रांनी सांगितले. विशेष रात्री भांडणानंतर खासगी रुग्णालयात राजकुमारवर उपचार करण्यात आले होते. त्याचवेळी हाणामारीची घटना डॉक्‍टरांनी पोलिसांना कळवणे गरजेचे होते. मात्र खासगी रुग्णालयाने ही बाब दडवून ठेवल्याचे दिसून येते.