गंगापूरजवळ सुसाट ट्रकने दुचाकीला उडवले, चिमुकल्या बहीण-भावाचा जागीच मृत्यू, वडील गंभीर जखमी

By City News Desk

On 25 Nov 2025

गंगापूरजवळ सुसाट ट्रकने दुचाकीला उडवले, चिमुकल्या बहीण-भावाचा जागीच मृत्यू, वडील गंभीर जखमी

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

गंगापूर (गणेश म्हैसमाळे : मेट्रोपोलिस पोस्ट वृत्तसेवा) : आयशर ट्रकने दुचाकीला उडवले. यात चिमुकल्या बहीण-भावाचा मृत्यू तर त्यांचे वडील गंभीर जखमी झाले. हा भीषण अपघात गंगापूर-छत्रपती संभाजीनगर मार्गावरील बाबरगाव फाट्याजवळ सोमवारी (२४ नोव्‍हेंबर) दुपारी सव्वा बाराला घडला.

विराट प्रदीप जाधव (वय ५) व खुशी प्रदीप जाधव (वय अडीच वर्षे) अशी मृत्यू झालेल्या बहीण-भावाची नावे आहेत. शेकटा (ता. पैठण) येथील प्रदीप जाधव हे पत्नीच्या बहिणीच्या लग्नासाठी वैजापूर तालुक्यातील महागाव येथे रविवारी आले होते. लग्न आटोपून सोमवारी सकाळी ते विराट व खुशी चिमुकल्यांसह दुचाकीने (क्र. एमएच १६ एझेड ७७६५) गंगापूरमार्गे शेकटाकडे निघाले. गंगापूर शहरापासून ३ किलोमीटर अंतरावरील बाबरगाव फाट्याजवळील हॉटेल विराजसमोर छत्रपती संभाजीनगरकडून गंगापूरकडे येणाऱ्या आयशर ट्रकने (क्र. एमएच २५ एजे ७४०२) त्यांना धडक दिली. अपघातानंतर ट्रक तिथेच सोडून चालक पसार झाला. विराट व खुशी यांचा जागीच मृत्यू झाला, तर प्रदीप गंभीर जखमी झाले. त्यांना नागरिकांनी गंगापूरच्या उपजिल्हा रुग्णालयात दाखल केले. तिथून छत्रपती संभाजीनगरला हलविण्यात आले. घटनेची नोंद गंगापूर पोलिसांनी घेतली असून, आयशर ट्रकचालकाचा शोध घेतला जात आहे.