वैजापूर (मेट्रोपोलिस पोस्ट वृत्तपत्राच्या सौजन्याने) : रस्त्याच्या कडेला उभ्या ट्रकवर भरधाव दुचाकी धडकून दुचाकीवरील दोन्ही तरुणांचा जागीच मृत्यू झाला. हा अपघात मंगळवारी (१५ ऑक्टोबर) पहाटे साडेबाराच्या सुमारास (मध्यरात्री) वैजापूर-गंगापूर मार्गावरील महालगाव (ता. वैजापूर) शिवारात पंचगंगा साखर कारखान्यासमोर घडला.
सूरज संजय गायकवाड (वय २४, रा. बाजारतळ, श्रीरामपूर, जि. अहिल्यानगर) आणि सुमित विलास धोत्रे (वय २०, रा. आमराई, बारामती, जि. पुणे) अशी मृत्यू झालेल्यांची नावे आहेत. सूरज व सुमित पेव्हर ब्लॉक बसवण्याचे काम करतात. ते वैजापूरला रूम करून राहत होते. मंगळवारी गंगापूरला काम असल्याने आले होते. काम आटोपून रात्री दुचाकीने वैजापूरला निघाले असता महालगाव शिवारात रस्त्याच्या कडेला उभ्या ट्रकला त्यांची दुचाकी धडकली.
यात दोघे गंभीर जखमी झाले. नागरिकांनी त्यांना वैजापूरच्या उपजिल्हा रुग्णालयात आणले असता डॉक्टरांनी तपासून मृत घोषित केले. सूरज व सुमितच्या नातेवाइकांनी बुधवारी (१५ ऑक्टोबर) सकाळी ९ च्या सुमारास महालगाव येथे येत ट्रकचालकाविरुद्ध गुन्हा दाखल करण्याच्या मागणीसाठी रास्ता रोको केला. पोलिसांनी कारवाईचे आश्वासन दिल्यानंतर त्यांनी आंदोलन मागे घेतले. रास्ता रोकोमुळे काही काळ वाहतूक ठप्प होऊन दोन्ही बाजूंनी वाहनांच्या रांगा लागल्या होत्या.
आणखी महत्त्वाच्या बातम्या
.jpeg)
Latest News
14 Mar 2026 10:59:13
पैठण (मेट्रोपोलिस पोस्ट वृत्तसेवा) : केकत जळगाव (ता. पैठण) येथील अल्पभूधारक शेतकरी भास्कर बाबुराव मगर (वय ३५) यांनी कर्जबाजारीपणाला कंटाळून...
