Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : ऐतिहासिक देवगिरी (दौलताबाद) किल्ल्याला बुधवारी (११ मार्च) सकाळी पावणेनऊला लागलेली आग १२ तासांनंतरही धगधगत होती. गुरुवारी (१२ मार्च) सकाळपर्यंत काही झाडांच्या खोडांतून धूर निघत होता. किल्ल्याच्या परिसरात ठिकठिकाणी ओढून फेकलेली सिगारेटची थोटके आढळली आहेत. त्यामुळे आग निष्काळजीपणानेच लागल्याचे दिसून येते.
आता खबरदारीचा उपाय म्हणून किल्ल्याच्या प्रवेशद्वारावरच सिगारेट व काडीपेटीची तपासणी अधिक कडक करण्यात आली आहे. पर्यटकांकडील धूम्रपान साहित्य रोखण्यासाठी सुरक्षा कर्मचाऱ्यांना सक्त सूचना करण्यात आल्या आहेत. त्यामुळे गुरुवारी आणि आज, १३ मार्चलाही पर्यटकांच्या पिशव्या, खिसेही तपासण्यात आले. देवगिरी किल्ल्यावर जनार्दन स्वामी मंदिरासमोरील गवताला आधी आग लागली होती. ती वाढून ३०० एकरांपर्यंत पसरली. भारतीय पुरातत्व सर्वेक्षण कर्मचाऱ्यांनी बुधवारी सायंकाळी साडेचारपर्यंत आग आटोक्यात आणली. मात्र धग गुरुवारी सकाळपर्यंत कायम होती. आगीमुळे किल्ल्यावरील पशू-पक्षी होरपळले.
.jpg)
