अतिवृष्टीचा आणखी एक बळी : कन्नडच्या देवगाव रंगारीत शेतकऱ्याने विष पिऊन केली आत्‍महत्‍या, कर्जबाजारीपणातून बाहेर पडण्याचे दिसत नव्हते कोणते मार्ग...

By City News Desk

On 17 Nov 2025

अतिवृष्टीचा आणखी एक बळी : कन्नडच्या देवगाव रंगारीत शेतकऱ्याने विष पिऊन केली आत्‍महत्‍या, कर्जबाजारीपणातून बाहेर पडण्याचे दिसत नव्हते कोणते मार्ग...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्नड (मेट्रोपोलिस पोस्ट वृत्तपत्राच्या सौजन्याने) : अतिवृष्टीने खरीप पिकांचे नुकसान, अद्याप न मिळालेली नुकसान भरपाई, त्यामुळे वाढलेला कर्जबाजारीपणा यामुळे नैराश्य येऊन ५९ वर्षीय शेतकऱ्याने विष पिऊन आत्‍महत्‍या केली. ही धक्कादायक घटना देवगाव रंगारी (ता. कन्नड) येथे रविवारी (१६ नोव्‍हेंबर) सायंकाळी साडेसहाला समोर आली.

ठगण चिमाजी पगार (रा. देवगाव रंगारी) असे आत्‍महत्‍या केलेल्या शेतकऱ्याचे नाव आहे. ते अल्पभूधारक शेतकरी होते. त्यांची वैजापूर तालुक्यातील शिऊर शिवारात दीड एकर शेती आहे. त्यांनी यंदा उसनवारी करून खरीप पेरणी केली होती. सप्टेंबरमध्ये अतिवृष्टीने शेतातील पीक वाया गेले. शासनाकडून नुकसानभरपाई मिळेल, अशी आशा होती. मात्र तीही अद्याप मिळालेली नाही. त्यामुळे शेतीसाठी केलेली उसनवारी कशी फेडायची, याची त्यांना चिंता होती. रविवारी दुपारपर्यंत ते मजुरीच्या कामावर होते. दुपारी चारला घरी आले. राहत्या घरातच विष प्राशन केले. कुटुंबीयांच्या लक्षात येताच त्यांना छत्रपती संभाजीनगरातील घाटी रुग्णालयात हलविण्यात आले. मात्र उपचारादरम्यान सायंकाळी साडेसहाच्या सुमारास त्यांचा मृत्यू झाला. त्यांच्या पश्चात पत्नी, दोन मुली, मुलगा, सून, नातू, पणतू, भाऊ, भावजय असा परिवार आहे.