पैठण (मेट्रोपोलिस पोस्ट वृत्तपत्राच्या सौजन्याने) : पैठण येथील २९ वर्षीय सराफा व्यापारी रोहन चंद्रकांत आंबिलवादे याच्याविरुद्ध २५ वर्षीय तरुणीच्या तक्रारीवरून बिडकीन पोलिसांनी लैंगिक अत्याचाराचा गुन्हा दाखल केला आहे. लग्नाचे आमिष दाखवून वारंवार तिच्याशी शारीरिक संबंध ठेवले. नंतर लग्नास नकार देत जीवे मारण्याची धमकी दिल्याचा आरोप आहे.
बिडकीन परिसरात राहणाऱ्या पीडित तरुणी विवाहित असून, तिला दोन मुले आहेत. तिने दिलेल्या तक्रारीनुसार, तिची रोहनशी दागिने खरेदी करण्याच्या निमित्ताने ओळख झाली. त्यानंतर त्याने तिच्या मोबाइलवर वारंवार कॉल करत ओळख वाढवून मैत्री केली. मैत्रीतून लग्नाचे आमिष दाखवत ५ ऑगस्टपासून बिडकीन येथील लॉजवर, तर कधी तरुणीच्या राहत्या घरी अनेकदा शारीरिक संबंध ठेवले. तरुणीने त्याच्याकडे लग्नाचा तगादा लावला असता त्याने वाद घालून जातिवाचक शिवीगाळ करत तिला जीवे मारण्याची धमकी दिली. तरुणीच्या तक्रारीनंतर बिडकीन पोलिसांनी रोहनला अटक केली. अधिक तपास सहायक पोलीस निरीक्षक नीलेश शेळके करत आहेत.
वैजापूरमध्ये घरात घुसून महिलेवर अत्याचारघरात घुसून ३० वर्षीय महिलेवर लैंगिक अत्याचार केल्याप्रकरणी अवधूत मच्छिंद्र ठोंबरे याच्याविरुद्ध शिऊर पोलिसांनी शुक्रवारी (१४ नोव्हेंबर) गुन्हा दाखल केला आहे. ही घटना शिऊर पोलीस ठाण्याच्या हद्दीतील एका गावात ११ नोव्हेंबरला दुपारी दोनला घडल्याने महिलेने तक्रारीत म्हटले आहे. महिला घरात एकटी असल्याचे पाहून अवधूत घरात घुसला. त्याने तिच्यावर लैंगिक अत्याचार केला, असे तक्रारीत म्हटले आहे.
.jpeg)
