विजेचा धक्का लागून १७ वर्षीय मुलाचा दुर्दैवी मृत्यू; सोयगावची घटना

By City News Desk

On 28 Jun 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

सोयगाव (सीएससीएन वृत्तसेवा) : शेतात वखर चालविताना जमिनीवरून दुसऱ्या शेतात गेलेल्या विजेच्या वायरचा धक्का लागून १७ वर्षीय मुलाचा दुर्दैवी मृत्यू झाला. ही घटना आज, २८ जूनला सकाळी अकराच्या सुमारास पहुरी बुद्रूक (ता. सोयगाव) शिवारात घडली. प्रमोद विष्णू जंजाळ (वय १७, रा. वनगाव, ता. सोयगाव) असे मृत्‍यू झालेल्या मुलाचे नाव आहे. त्याला पाचोरा येथील खासगी रुग्णालयात […]

सोयगाव (सीएससीएन वृत्तसेवा) : शेतात वखर चालविताना जमिनीवरून दुसऱ्या शेतात गेलेल्या विजेच्या वायरचा धक्का लागून १७ वर्षीय मुलाचा दुर्दैवी मृत्यू झाला. ही घटना आज, २८ जूनला सकाळी अकराच्या सुमारास पहुरी बुद्रूक (ता. सोयगाव) शिवारात घडली.

प्रमोद विष्णू जंजाळ (वय १७, रा. वनगाव, ता. सोयगाव) असे मृत्‍यू झालेल्या मुलाचे नाव आहे. त्याला पाचोरा येथील खासगी रुग्णालयात नेले असता डॉक्‍टरांनी मृत घोषित केले. प्रमोद शिक्षणासोबतच वडिलांना शेतीच्या कामात मदत करायचा. आज सकाळी अकराला पहुरी शिवारातील शेतात वखर चालवायचा असल्याने आई, वडिलांसोबत प्रमोदही शेतात गेला होता. त्यांच्या शेतातून शेजारील शेतासाठी विजेची वायर जमिनीवरून टाकण्यात आली होती.

ही वायर प्रमोदला दिसली नाही. वखरामुळे वायर तुटली. वायरच्या तारांचा स्पर्श वखरला झाला. प्रमोदच्या हातात वखरचा दांडा असल्याने त्याला विजेचा जोरदार धक्का बसला. त्याचा जागीच मृत्यू झाला. आई-वडिलांनी आक्रोश सुरू केला. प्रमोदच्या पश्चात आई,वडील, दोन बहिणी असा परिवार आहे. पाचोरा येथे उत्तरीय तपासणीनंतर आज रात्री आठला त्याच्यावर शोकाकूल वातावणात अंत्यसंस्कार करण्यात आले. प्रमोद हा घरातील एकुलता एक मुलगा होता. त्याने यंदा दहावीत ७८ टक्के गुण मिळविले होते.