रात्री उशिरापर्यंत शिलाई मशीनवर कपडे शिवणारी पत्‍नी झोपताच युवकाने उचलले टोकाचे पाऊल!, फुलंब्री तालुक्‍यातील घटना

By City News Desk

On 13 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (सीएससीएन वृत्तसेवा) : रात्री उशिरापर्यंत शिलाई मशीनवर पत्‍नी कपडे शिवत होती. ती झोपी गेल्यानंतर दुसऱ्या खोलीत जाऊन युवकाने गळफास घेतल्याची धक्कादायक घटना वाकोद (ता. फुलंब्री) येथे मंगळवारी (१२ नोव्‍हेंबर) सकाळी सातला समोर आली. कैलास छगन लहाने (वय ३९) असे आत्‍महत्‍या केलेल्याचे नाव आहे. सोमवारी रात्री जेवण केल्यानंतर कैलास यांच्यासह त्यांची मुले झोपली होती. पत्नी […]

फुलंब्री (सीएससीएन वृत्तसेवा) : रात्री उशिरापर्यंत शिलाई मशीनवर पत्‍नी कपडे शिवत होती. ती झोपी गेल्यानंतर दुसऱ्या खोलीत जाऊन युवकाने गळफास घेतल्याची धक्कादायक घटना वाकोद (ता. फुलंब्री) येथे मंगळवारी (१२ नोव्‍हेंबर) सकाळी सातला समोर आली. कैलास छगन लहाने (वय ३९) असे आत्‍महत्‍या केलेल्याचे नाव आहे.

सोमवारी रात्री जेवण केल्यानंतर कैलास यांच्यासह त्यांची मुले झोपली होती. पत्नी रात्री उशिरापर्यंत शिलाई मशीनवर कपडे शिवत होती. पत्नी झोपी गेल्यानंतर कैलास यांनी दुसऱ्या खोलीत जाऊन गळफास घेतला. मंगळवारी सकाळी ही बाब समोर आल्यानंतर कुटुंबीयांनी पोलिसांना कळवले. पोलिसांनी घटनास्थळी धाव घेऊन पंचनामा केला.

पंचनाम्यात कैलास यांच्या खिशात मृत्‍यूपूर्वी लिहिलेली चिठ्ठी आढळली. चिठ्ठीत नमूद होते, की मनोज जरांगे पाटील यांनी अनेक वेळा आंदोलन करूनही मराठा समाजाला आरक्षण मिळत नाही. त्यामुळे मी सरकारचा निषेध करत आत्महत्या करत आहे. कैलास अल्पभूधारक शेतकरी असून त्यांच्या पश्चात पत्नी, एक मुलगा, एक मुलगी असा परिवार आहे. याबाबत वडोदबाजार पोलिसांनी आकस्मिक मृत्यूची नोंद केली आहे.